نئی دہلی (اے بی این نیوز) بالی ووڈ اداکار سنیل شیٹھی نے انکشاف کیا ہے کہ انہوں نے 40 کروڑ کی پیشکش ٹھکرا دی۔
64 سالہ سنیل شیٹھی اب دادا بن چکے ہیں لیکن ان کی حیرت انگیز فٹنس اب بھی بہت سے لوگوں کے لیے حوصلہ افزائی کا باعث ہے۔
ایک حالیہ انٹرویو میں اداکار نے انکشاف کیا کہ ایک تمباکو برانڈ نے انہیں اشتہارات کے لیے 40 کروڑ کی بڑی پیشکش کی۔
انہوں نے کہا کہ میں دراصل نوجوانوں کے لیے ایک مثال ہوں، اس لیے میں کسی ایسی چیز سے وابستہ نہیں ہونا چاہتا تھا جس پر میں خود یقین نہیں رکھتا تھا۔
بالی ووڈ اداکار کا مزید کہنا تھا کہ اگرچہ میں فلموں اور باکس آفس میں پہلے کی طرح متحرک نہیں ہوں لیکن آج بھی 17، 18 سالہ نوجوان مجھے اپنا آئیڈیل سمجھتے ہیں۔
انہوں نے کہا کہ میں نے پیسے کے لیے کبھی اپنی اقدار یا بچوں کے نام پر سمجھوتہ نہیں کیا۔
سنیل شیٹھی نے یہ بھی کہا کہ انہوں نے اپنے والد کی بیماری اور موت کی وجہ سے اداکاری چھوڑ دی تھی۔ جس دن ان کے والد کا انتقال ہوا، انہیں ملازمت کی پیشکش کی گئی تاکہ وہ اپنا فنی سفر جاری رکھ سکیں۔
انہوں نے کہا کہ عالمی وبا کے بعد خود پر کام کیا، مالی استحکام سے ذہنی سکون اور زندگی میں اعتماد آیا۔ میڈیا اور شائقین کی محبت نے انہیں باکس آفس پر کامیابی نہ ملنے کے بعد بھی غیر متعلق نہیں ہونے دیا۔
مزید پڑھیں:عادل فاروق راجا کے خلاف حکومت کا بڑا فیصلہ
