اسلام آباد (اوصاف نیوز) ایزی پیسہ کی جانب سے کیش بیک کی پیشکش کے حوالے سے عوام میں سوالات اٹھنے لگے ہیں کہ آیا یہ اسکیم شرعی طور پر درست ہے یا نہیں۔
تفصیلات کے مطابق ایزی پیسہ کی جانب سے صارفین کو یہ آفر دی جا رہی ہے کہ اگر وہ اپنے اکاؤنٹ میں 1000 روپے رکھیں اور موبائل لوڈ کروائیں تو انہیں 200 روپے کیش بیک دیا جائے گا۔ اس پیشکش پر کئی صارفین نے سوال اٹھایا کہ کیا یہ اسلامی اصولوں کے مطابق جائز ہے؟
مذہبی ماہرین اور فقہی ماخذ کے مطابق یہ معاملہ قرض پر نفع کے زمرے میں آتا ہے، جو شرعاً ناجائز ہے۔ ماہرین کے مطابق جب کوئی صارف ایزی پیسہ میں رقم رکھواتا ہے تو وہ دراصل ادارے کو قرض دیتا ہے، اور قرض پر کسی قسم کا مشروط فائدہ یا نفع لینا یا دینا حرام ہے۔
علمائے کرام کا کہنا ہے کہ اگر کسی کمپنی کے پاس رکھی گئی رقم پر شرط کے ساتھ فائدہ دیا جائے، جیسے کیش بیک، بونس یا اضافی رقم، تو یہ سود کے مشابہ ہو جاتا ہے، چاہے اس کا نام کیش بیک ہی کیوں نہ رکھ دیا جائے۔
مزید پڑھیں:کنگ فو لیجنڈ اور مشہور اداکار سیو لونگ لیونگ انتقال کر گئے
