لاہور (نیوز ڈیسک) چینی ای کامرس کمپنی جے ڈی ڈاٹ کام نے ایک نئی آفر متعارف کرائی ہے جو صارفین کو حیران کر دے گی، جس کے تحت گولڈ پلیٹڈ آئی فون کور خریدنے والوں کو نیا آئی فون 17 میکس مفت دیا جائے گا۔کمپنی کی جانب سے Au99.99 گولڈ کے نام سے پیش کردہ محدود ایڈیشن سیریز میں آئی فون کور 10 گرام سے 100 گرام تک مختلف وزن میں دستیاب ہیں۔100 گرام خالص سونے سے بنے کور کی قیمت 139,999 یوآن (تقریباً 20 ہزار امریکی ڈالر) رکھی گئی ہے اور اس مہنگے ورژن کی خریداری پر صارفین کو آئی فون 17 میکس بطور تحفہ دیا جا رہا ہے۔
رپورٹس کے مطابق کچھ لائٹر کور فروخت ہو چکے ہیں جب کہ 10 اور 30 گرام کے ماڈلز کی تصاویر سوشل میڈیا پر وائرل ہو رہی ہیں تاہم کمپنی نے یہ واضح نہیں کیا کہ 100 گرام کا سب سے مہنگا کور فروخت ہو گیا ہے یا نہیں۔
ٹیک ماہرین کا کہنا ہے کہ سونے کی موٹی تہہ بعض اوقات وائرلیس چارجنگ کے عمل میں رکاوٹ بن سکتی ہے اور فون کو زیادہ گرم کرنے کا سبب بھی بن سکتی ہے۔ اس کے باوجود، لگژری کے شوقین اس منفرد پیشکش میں گہری دلچسپی لے رہے ہیں۔
مزید پڑھیں:بانی پی ٹی آئی کی بیٹوں سے بات ہوگئی
