انتظامیہ خاموش، رمضان آتے ہی پھلوں کی قیمتوں نے ریکارڈ توڑ دیا

راولپنڈی (اوصاف نیوز) رمضان المبارک کے پہلے روز پھلوں کی قیمتیں آسمان کو چھونے لگیں۔

دکانداروں اور پھل فروشوں نے اپنے طور پر تمام پھلوں کی قیمتوں میں اضافہ کر دیا ہے۔

افطار کے دوران سب سے زیادہ مقبول پھل اس وقت اصل قیمتوں سے دگنی قیمتوں پر فروخت ہو رہے ہیں۔

سیب 300 سے 550 روپے فی کلو، کیلے 300 روپے فی درجن سے 400 روپے فی درجن تک فروخت ہو رہے ہیں۔

ڈپٹی کمشنر کی جانب سے امرود کی قیمت 145 روپے فی کلو مقرر کی گئی تھی تاہم رمضان المبارک کے پہلے روز امرود 250 روپے فی کلو سے 300 روپے فی کلو فروخت ہو رہا ہے۔

یہ تمام پھل فروٹ چاٹ میں استعمال ہوتے ہیں اور رمضان کے مہینے میں افطار کے دوران فروٹ چاٹ کو پسندیدہ ڈش سمجھا جاتا ہے۔

اسٹرابیری ایک ہزار روپے فی کلو، انار 800 روپے فی کلو فروخت ہو رہے ہیں۔

بہت سے دکانداروں اور گاڑیوں کے مالکان نے سرکاری قیمت کی فہرست آویزاں کرنے کی زحمت نہیں کی۔ وہ سرکاری قیمتوں کی فہرست چھپا رہے ہیں اور ضرورت مند شہریوں سے پھلوں کی جو بھی قیمت چاہتے ہیں مانگ رہے ہیں اور وصول کر رہے ہیں۔

سرکاری قیمتوں کی فہرست مانگی جائے تو پھل فروش یہ بہانہ بناتے ہیں کہ سرکاری پرائس لسٹ جاری نہیں ہوئی، انہیں کسی نے سرکاری پرائس لسٹ نہیں دی اور نہ ہی کوئی چیک کرنے آیا ہے۔
39 ارب روپےکے رمضان ریلیف پیکیج کی منظوریمزید پڑھیں‌: