لاہور (سپورٹس ڈیسک) پاکستان کے مایہ ناز سپنر ابرار احمد کو انڈین پریمیئر لیگ (آئی پی ایل) سے منسلک ٹیم نے معاہدہ کر لیا۔
پاکستان کے اسپنر ابرار احمد کو سن رائزرز لیڈز نے ‘دی ہنڈریڈ’ ڈرافٹ میں خرید لیا ہے، جس سے ان خدشات کو دور کیا گیا ہے کہ آئی پی ایل سے وابستہ فرنچائزز پاکستانی کھلاڑیوں کو نظر انداز کر دیں گی۔
گزشتہ ماہ بی بی سی اسپورٹس نے رپورٹ کیا کہ آئی پی ایل سے وابستہ چار فرنچائزز پاکستانی کھلاڑیوں پر غور نہیں کریں گی۔
27 سالہ ابرار کو لیڈز نے 190,000 پاؤنڈز میں خریدا، یہ فرنچائز مکمل طور پر سن رائزرز حیدرآباد کے مالکان کے زیر کنٹرول اور ہیڈنگلے میں مقیم ہے۔
دوسری جانب 21 سالہ نامعلوم کھلاڑی جیمز کولز نے کئی بڑے ناموں کو پیچھے چھوڑتے ہوئے سب سے زیادہ قیمت 390,000 پاؤنڈ حاصل کی۔
سسیکس میں پیدا ہونے والے اسپن باؤلنگ آل راؤنڈر کو لندن اسپرٹ نے لارڈز میں معاہدہ کیا ہے۔
لیگ اسپنر عادل راشد نے £250,000 میں سدرن بریورز کو جوائن کیا جبکہ جو روٹ £240,000 میں ویلش فائر میں چلے گئے۔
آئی پی ایل سے منسلک ٹیموں کی جانب سے پاکستانی کھلاڑیوں کو نظر انداز کیے جانے کی خبروں کے بعد، انگلینڈ اینڈ ویلز کرکٹ بورڈ (ای سی بی) نے تمام آٹھ فرنچائزز کو خط لکھ کر انہیں امتیازی سلوک کے خلاف اپنی ذمہ داریوں کی یاد دہانی کرائی تھی۔
ای سی بی اور آٹھ ٹیموں نے بعد میں ایک مشترکہ بیان جاری کیا جس میں کہا گیا کہ “کھلاڑیوں کو قومیت کی بنیاد پر (کھیل سے) خارج نہیں کیا جانا چاہیے۔
مزید پڑھیں:پاسپورٹ بنوانے کے خواہشمند افراد کے لیے اہم خبر
