کراچی (شوبز ڈیسک) پاکستانی شوبز انڈسٹری کی سینئر اداکارہ بشریٰ انصاری نے حال ہی میں ساتھی اداکار جاوید شیخ کے ساتھ تنازع پر پہلی بار کھل کر بات کرتے ہوئے اصل صورتحال واضح کردی۔
بشریٰ انصاری نے اپنے یوٹیوب بلاگ میں کہا کہ رمضان المبارک کے دوران شوبز شخصیات کے درمیان کئی تنازعات سامنے آئے اور ساتھ ہی وہ ایک ایسے معاملے میں بھی الجھ گئیں جس نے مداحوں کو حیران کردیا۔ ان کے مطابق یہ جھگڑا ایک دوست کے ساتھ ہوا جس کے ساتھ اس کی دیرینہ دوستی اور بہترین تعلق ہے۔
اداکارہ نے وضاحت کی کہ یہ دراصل ایک معمولی معاملہ تھا جس نے جاوید شیخ کو پریشان کیا ہو لیکن اس کا یہ مطلب نہیں کہ ان کے تعلقات خراب ہوگئے ہیں۔ انہوں نے کہا کہ عید کے موقع پر دونوں ایک ساتھ تھے اور خوشگوار وقت گزرا جس سے واضح ہوتا ہے کہ معاملہ اتنا سنجیدہ نہیں تھا جتنا کہ سوشل میڈیا پر دکھایا گیا تھا۔
بشریٰ انصاری نے کہا کہ دوستوں کے درمیان اختلافات کوئی نئی بات نہیں لیکن آج کل سوشل میڈیا چھوٹے چھوٹے معاملات کو بھی بڑھا چڑھا کر پیش کرتا ہے اور چھوٹے معاملات کو بڑے تنازعات میں بدل دیتا ہے۔ ان کے بقول یہی وجہ ہے کہ عوام کو ہر چھوٹے بڑے معاملے کا علم ہوتا ہے، جو پہلے نجی دائرے تک محدود تھا۔
اداکارہ نے اپنے مداحوں کو یہ پیغام بھی دیا کہ وہ ہر سنی سنائی بات پر یقین کرنے کے بجائے حقیقت کو سمجھنے کی کوشش کریں کیونکہ ہر تنازع اتنا بڑا نہیں ہوتا جتنا لگتا ہے۔
مزید پڑھیں:کیا کریتی سینن کی شادی ہونے والی ہے؟ اداکارہ کا ردعمل وائرل
