لاہور (شوبز ڈیسک) ٹک ٹاکرز سمیع راشد اور سحر حیات کی شادی شاندار تقریب سے ہوئی تاہم یہ رشتہ زیادہ دیر نہ چل سکا۔
دونوں کے ہاں بیٹی کی پیدائش ہوئی لیکن جلد ہی دونوں میں علیحدگی ہوگئی اور پھر دونوں کے درمیان سوشل میڈیا پر بیانات اور الزامات کا سلسلہ شروع ہوگیا جو طلاق پر منتج ہوا۔
حال ہی میں سحر حیات نے اپنی طلاق سے متعلق چند چونکا دینے والے انکشافات کیے جو سوشل میڈیا پر تیزی سے وائرل ہوگئے۔ سحر نے دعویٰ کیا کہ سمیع رشید اکثر اسے طلاق کی دھمکیاں دیتے تھے اور ان کے اہل خانہ کے سامنے ان کے ساتھ برا سلوک کیا جاتا تھا جس کی وجہ سے اس نے طلاق لینے کا فیصلہ کیا۔
دوسری جانب سمیع رشید نے ان الزامات کا جواب دیتے ہوئے مختلف موقف پیش کیا ہے۔ ان کے مطابق دونوں کے درمیان علیحدگی کی اصل وجہ ان کی بیٹی کی سالگرہ کے موقع پر ہونے والا معمولی جھگڑا تھا۔
سمیع کا کہنا ہے کہ ان کے والدین اپنی بیٹی کے ساتھ تصویر کھنچوانا چاہتے تھے لیکن سحر پریشان ہوگئی اور سمیع کو اپنے والدین کو اسٹیج سے ہٹانے کو کہا۔
سمیع کے مطابق، دونوں کے درمیان گرما گرم بحث کے پیچھے یہی وجہ تھی، جو علیحدگی اور بالآخر طلاق تک پہنچ گئی۔ انہوں نے دعویٰ کیا کہ یہی وجہ تھی جس کی بنیاد پر سحر حیات نے طلاق کی درخواست دائر کی تھی۔
View this post on Instagram
سوشل میڈیا صارفین بھی اس معاملے پر کھل کر اپنی رائے کا اظہار کر رہے ہیں۔ کچھ صارفین کا کہنا ہے کہ دونوں کو اب ایک دوسرے پر تنقید کرنے کے بجائے اپنی اپنی زندگی پر توجہ مرکوز رکھنی چاہیے جب کہ دیگر نے وجہ کو انتہائی معمولی قرار دیتے ہوئے حیرت کا اظہار کیا کہ اتنی چھوٹی بات پر رشتہ ختم ہو گیا۔
مزید پڑھیں:ابرار احمد کا ہمشکل نیپالی وزیر، حیرت انگیز مشابہت نے لوگوں کو چکرا دیا
