اسلام آباد (سپورٹس ڈیسک) آسٹریلوی آل راؤنڈر ول سدرلینڈ کندھے کی انجری کے باعث ٹی ٹوئنٹی بلاسٹ سے باہر ہو گئے۔ انہیں ایونٹ میں یارکشائر کی نمائندگی کرنی تھی۔
ول سدرلینڈ (جو ایک بہت ہی مشہور آل راؤنڈر اور وکٹوریہ اور میلبورن رینیگیڈز کے کپتان ہیں) نے گزشتہ سال یارکشائر کے لیے کاؤنٹی چیمپئن شپ کے تین میچ اور 12 بلاسٹ گیمز کھیلے۔
ٹیم کے جنرل مینیجر گیون ہیملٹن کے مطابق، وہ اسکواڈ کے ‘بہت مقبول’ رکن بن چکے تھے اور اس موسم گرما میں دو چیمپئن شپ میچوں اور پورے بلاسٹ ٹورنامنٹ میں واپسی کرنے والے تھے۔
تاہم، ای ایس پی این کرک انفو کے مطابق، ول سدرلینڈ کو گزشتہ ماہ کے شیفیلڈ شیلڈ فائنل کے بعد کندھے میں اسٹریس فریکچر کی تشخیص ہوئی تھی اور کلب نے پیر کو تصدیق کی تھی کہ وہ اس سیزن میں ٹیم کے لیے دستیاب نہیں ہوں گے۔
کلب کے ترجمان نے کہا: “یارکشائر کاؤنٹی کرکٹ کلب اس بات کی تصدیق کر سکتا ہے کہ ول سدرلینڈ انجری کی وجہ سے اس سال ہونے والے وائٹلٹی بلاسٹ میں نہیں کھیل سکیں گے۔ متبادل کھلاڑی کے بارے میں معلومات مناسب وقت پر فراہم کی جائیں گی۔ یارکشائر کی پوری ٹیم ان کی جلد صحت یابی کی خواہش کرتی ہے۔”
مزید پڑھیں:ایم کیو ایم کے رکن قومی اسمبلی اقبال محسود کی صاحبزادی گولنے لگنے سے جاں بحق
