مومنہ اقبال(Momina Iqbal) کے حوالے سے سوشل میڈیا پر شادی کی خبریں گردش کرنے لگی ہیں، جہاں مختلف پیجز اور شوبز حلقوں میں دعویٰ کیا جا رہا ہے کہ اداکارہ جلد رشتہ ازدواج میں منسلک ہونے والی ہیں۔
سوشل میڈیا رپورٹس کے مطابق مومنہ اقبال کے قریبی عزیز و اقارب کو شادی کی تقریبات کے دعوت نامے موصول ہونا شروع ہو گئے ہیں، تاہم اداکارہ یا ان کی ٹیم کی جانب سے تاحال اس حوالے سے کوئی باضابطہ تصدیق سامنے نہیں آئی۔
رپورٹس میں یہ بھی کہا جا رہا ہے کہ اداکارہ کے ہونے والے شریک حیات کا تعلق شوبز انڈسٹری سے نہیں بلکہ نجی شعبے سے ہے، جبکہ دولہے کے بارے میں مزید تفصیلات فی الحال سامنے نہیں لائی گئیں۔
ٹرمپ کے فیصلے نے عالمی آئل مارکیٹ میں بھونچال پیدا کردیا، خام تیل مزید مہنگا
ذرائع کے مطابق مومنہ اقبال شادی کے بعد اپنی تقریبات کی تصاویر اور دیگر تفصیلات خود سوشل میڈیا پر مداحوں کے ساتھ شیئر کریں گی۔
View this post on Instagram
اداکارہ کے مداحوں نے سوشل میڈیا پر انہیں پیشگی مبارکباد دینا شروع کر دی ہے اور ان کی نئی زندگی کے لیے نیک تمناؤں کا اظہار کیا جا رہا ہے۔
