کراچی: ڈالر ریٹ پاکستان میں آج معمولی کمی ریکارڈ کی گئی ہے جبکہ دیگر اہم غیر ملکی کرنسیوں کے نرخ بھی سامنے آگئے ہیں۔ اسٹیٹ بینک آف پاکستان کے مطابق پاکستانی روپے نے امریکی ڈالر کے مقابلے میں معمولی بہتری دکھائی ہے۔
تازہ اعداد و شمار کے مطابق انٹربینک مارکیٹ میں امریکی ڈالر ایک پیسے کی کمی کے بعد 278.30 روپے پر بند ہوا، جبکہ گزشتہ کاروباری روز اس کی قیمت 278.31 روپے تھی۔ اوپن مارکیٹ میں ڈالر کی خریداری 279.05 روپے اور فروخت 279.45 روپے پر دیکھی گئی۔
برطانوی پاؤنڈ کی قیمت میں بھی معمولی کمی ریکارڈ کی گئی۔ انٹربینک مارکیٹ میں پاؤنڈ 373.35 روپے پر بند ہوا جبکہ اوپن مارکیٹ میں اس کی خریداری 375.18 اور فروخت 378.95 روپے رہی۔
سعودی عرب جانے والے مسافروں اور عمرہ زائرین کے لیے سعودی ریال 74.16 روپے پر برقرار رہا۔ اوپن مارکیٹ میں سعودی ریال کی خریداری 74.30 اور فروخت 74.90 روپے میں دیکھی گئی۔
متحدہ عرب امارات کا درہم بھی مستحکم رہا اور انٹربینک مارکیٹ میں 75.77 روپے پر بند ہوا۔ اوپن مارکیٹ میں درہم کی خریداری 75.95 اور فروخت 76.85 روپے رہی۔
ماہرین کے مطابق ڈالر ریٹ پاکستان میں استحکام سے ظاہر ہوتا ہے کہ مقامی کرنسی عالمی معاشی دباؤ کے باوجود اپنی پوزیشن برقرار رکھنے میں کامیاب رہی ہے۔ تاہم بین الاقوامی مارکیٹ کی صورتحال اور ملکی معاشی عوامل آئندہ دنوں میں شرح مبادلہ پر اثر انداز ہو سکتے ہیں۔
اہم کرنسیوں کے نرخ
امریکی ڈالر: 278.30 روپے
سعودی ریال: 74.16 روپے
یو اے ای درہم: 75.77 روپے
برطانوی پاؤنڈ: 373.35 روپے
عمانی ریال: 722.95 روپے (اوپن مارکیٹ خریداری)
کویتی دینار: 908.11 روپے (ٹی ٹی سیلنگ ریٹ)
