لاہور (نیوزڈیسک) وفاقی وزیر داخلہ محسن نقوی نے لاہور اور کراچی میں کم از کم ایک پاسپورٹ آفس چوبیس گھنٹے رکھنے کا اعلان کیا ۔ لوگ اپنے سفری دستاویز کے حصول کے لیے لمبی لمبی قطاروں میں انتظار کرنے پر مجبورتھے۔ محسن نقوی نے سوشل میڈیا پر ایک اعلان میں کہا کہ لاہور اور کراچی دونوں میں ایک پاسپورٹ آفس عوام کی بہتر خدمت اور پاسپورٹ خدمات تک رسائی کو بہتر بنانے کے لیے 24 گھنٹے کھلا رہے گا۔
وزیر داخلہ نے کہا کہ حالیہ اقدام سے ہر کسی کے لیے کسی بھی وقت پاسپورٹ خدمات تک رسائی آسان ہو جائے گی۔اس سے قبل انہوں نے پاسپورٹ آفس کا دورہ کیا اور شہریوں کی طرف سے لگائے گئے رشوت ستانی اور بدعنوانی کے الزامات کے پیش نظر کئی اہلکاروں کو معطل کر دیا۔
منسوخ پروازوں کے ٹکٹ فروخت کرنے پر ایئر لائن کو بھاری جرمانہ
محسن نقوی کے دورے کے دوران، درخواست دہندگان نے رشوت ستانی، مافیا کے ایجنٹوں، اور شکایات کے ایک بیک لاگ کا ذکر کیا۔قبل ازیں، محکمہ پاسپورٹ اور امیگریشن ڈی جی آئی اینڈ پی فوری اور ای پاسپورٹ کی درخواستوں کو ترجیح دیتے ہوئے، پاسپورٹ کی روزانہ کی پیداوار کو معمول کے مطابق12 ہزار سے کم کرکے 3 ہزار تک پہنچ گئی تھی ۔
اس کی وجہ سے 7000 سے زائد عازمین حج تاخیر کی وجہ سے رمضان میں عمرہ ادا کرنے سے قاصر رہے۔یومیہ25ہزارپاسپورٹ بنانے کی صلاحیت کے باوجود محکمہ کو روزانہ40 ہزار سے زیادہ درخواستیں موصول ہوتی ہیں۔ کراچی میں، رمضان کے دوران روزانہ پاسپورٹ کے درخواست دہندگان کی تعداد کم ہو کررہ گئی، جو مارچ میں معمول کے مطابق 4000یومیہ تھی۔
