وزارت تعلیم و پیشہ ورانہ تربیت نے اسپیشل انویسٹمنٹ فیسیلیٹیشن کونسل (SIFC) کے تعاون سے اسلام آباد کے تعلیمی اداروں میں سولہ جدید ترین آئی ٹی لیبز قائم کرنے کا فیصلہ کیا ہے۔
SIFC کا قیام ایک بااختیار تنظیم کے ذریعے شناخت شدہ شعبوں میں دوست ممالک سے سرمایہ کاری کو راغب کرنے کے لیے کیا گیا تھا جو سہولت فراہم کرنے کے لیے سنگل ونڈوپلیٹ فارم کے طور پر کام کرتا ہے، اور مکمل حکومتی نقطہ نظر کے ذریعے ممکنہ سرمایہ کاروں کے لیے کاروبار کرنے میں آسانی کو بہتر بناتا ہے۔
ان جدید آئی ٹی لیبز میں نوجوانوں کو جدید ہنر سکھایا جائے گا جس سے ان کے لیے روزگار کے مواقع بڑھیں گے۔یہ آئی ٹی لیبز اسلام آباد کے مختلف علاقوں میں واقع سولہ ڈگری کالجوں میں بنائی جائیں گی۔
مزید پڑھیں: 1500 روپے کے انعامی بانڈکی قرعہ اندازی کی تاریخ اور انعامات جیتنے والوں کی فہرست چیک کریں
ان آئی ٹی لیبز میں طلباء کو بلاک چین، ڈیٹا سائنس، مصنوعی ذہانت (AI) اور گیم ڈیولپمنٹ کے چھ ماہ کے کورسز کرائے جائیں گے۔پہلے مرحلے میں تقریباً 1000 طلباء کو کورسز پیش کیے جائیں گے، جنہیں مارکیٹ کی طلب کو مدنظر رکھتے ہوئے متعارف کرایا جا رہا ہے۔
یہ کورسز نیشنل ووکیشنل اینڈ ٹیکنیکل ٹریننگ کمیشن نے NUST، نیشنل سکلز یونیورسٹی، COMSATS اور NUML جیسی مشہور یونیورسٹیوں کے تعاون سے تیار کیے ہیں۔یہ کورسز رواں ماہ کے دوسرے ہفتے میں شروع ہوں گے۔ ان کورسز کے لیے تقریباً تین ہزار چھ سو طلبہ نے رجسٹریشن کرائی ہے۔
