پشاور(نیوز ڈیسک)خیبرپختونخوا اسمبلی نے وزرا کی تنخواہوں اور مراعات ترمیمی بل 2024 کی منظوری دے دی۔
ترمیمی بل کے مطابق وزرا کو سرکاری گھر میں تزئین و آرائش کیلئے ایک بار 10 لاکھ ملیں گے۔ 10 لاکھ روپے تزئین و آرائش میں قالین، پردے، ایئر کنڈیشنڈ، ایک ریفریجریٹر شامل ہیں۔
سرکار ی گھر نہ ہونے پر وزیر کو کرائے پر گھر لینے کے لئے ماہانہ 2لاکھ روپے دیے جائیں گے۔ کرائے کے گھر میں بھی وزرا تزئین و آرائش کیلئے ایک بار 10لاکھ روپے خرچ کر سکیں گے۔
کوئی وزیر رہائش کیلئے ذاتی گھر استعمال میں لانے پر 2 لاکھ روپے کرایہ وصول کر سکے گا۔ سرکاری یا کرائے کی رہائشگاہ خالی کرنے پر وزیر تزئین و آرائش کی اشیا واپس کرے گا۔
مزیدپڑھیں:عالمی امن کو ابھرتے ہوئے خطرات اور چیلنجز کا سامنا ہے، آرمی چیف
