سینئر سیاستدان چوہدری شجاعت حسین نے مسائل کےحل کیلئے فورم تشکیل دینے کا مطالبہ کر دیا۔چوہدری شجاعت حسین نے تجویز دی ہے کہ ایک فورم تشکیل دیں جو ملک اور عوام کو درپیش مسائل کافوری حل نکالے جس کی صدر یا وزیراعظم فورم سربراہی کریں۔انہوں نے مشورہ دیا کہ عسکری قیادت اور تمام سیاسی جماعتوں کو فورم کا حصہ بنایا جائے، فورم باہمی مشاورت سے مسائل کےحل کیلئے تجاویز مرتب کرے۔
ان کا کہنا تھا کہ ملک کو اس وقت بڑے بڑے چیلنجز کا سامنا ہے دہشت گردی میں اضافہ اور جانوں کاضیاع ہو رہا ہے ملک کو ابتر معاشی صورتحال کا سامنا ہے پارہ چنار میں قتل غارت کی وجہ سےحالات کشیدہ ہیں ملک میں مہنگائی عروج پراورتوانائی کابحران ہے۔سینئر سیاستدان نے کہا کہ بین الاقوامی برادری کےساتھ تعلقات میں مزیدبہتری لانےکی ضرورت ہے مسائل کے حل کیلئے تمام فریقین کو مل کر بیٹھنےکی ضرورت ہے۔
دھند کے ڈیرے،موٹروے بند ، اہم ہدایات جاری
