اسلام آباد (ویب ڈیسک) گزشتہ روز سے وزیراعظم شہباز شریف کی روسی صدر ولادی میر پیوٹن سے ملاقات کے دوران روسی وزیر خارجہ سرگئی لاوروف سے مصافحہ کی ویڈیو سوشل میڈیا پر وائرل ہو رہی ہے۔ ویڈیو میں دیکھا جا سکتا ہے کہ وزیراعظم شہباز شریف اور روسی صدر ون آن ون ملاقات کے لیے ایک دوسرے کے شانہ بشانہ کھڑے ہیں۔ دریں اثناء وزیر اعظم شہباز شریف ہاتھ ملانے کےلیے روسی صدر سے پہلے وزیر خارجہ اور پھر روسی صدر سے مصافحہ کرنے کے لیے آگے بڑھے۔
سفارتی آداب میں نابلد
سوشل میڈیا کے مختلف پلیٹ فارمز پر اس ویڈیو کو بڑے پیمانے پر شیئر کیا جا رہا ہے اور اسے وزیر اعظم شہباز شریف کی جانب سے سفارتی آداب سے نابلدہونے بلکہ سفارتی آداب کی خلاف ورزی کے طور پر پیش کیا جا رہا ہے۔ اس کے ساتھ یہ تنقید بھی کی جارہی ہے کہ وزیراعظم کی وجہ سے ملک کی توہین ہوئی۔ سوشل میڈیا پر یہ بھی کہا جا رہا ہے کہ یہ ویڈیو روسی ٹیلی ویژن سپوتنک پر میم کے طور پر چلائی جا رہی ہے۔
سفارتی ذرائع نے بتایا کہ وزیر اعظم نے اس سے قبل روسی صدر سے مصافحہ کیا تھا۔
سفارتی ذرائع کے مطابق وزیراعظم شہباز شریف صدر پیوٹن سے ون آن ون ملاقات کے لیے آستانہ پہنچے تو انہوں نے پہلے روسی صدر سے مصافحہ کیا تاہم وہ ویڈیو میں نظر نہیں آئے۔ اس کے بعد جب وہ فوٹو سیشن کے لیے روسی صدر کے پاس کھڑے ہوئے تو روسی وزیر خارجہ نے ان سے مصافحہ کرنا چاہا تو وزیراعظم خود آگے بڑھ گئے۔ انہوں نے روسی وزیر خارجہ سے مصافحہ کیا اور پھر روسی صدر سے فوٹو سیشن کے لیے مصافحہ کیا۔
سفارتی آداب کی کوئی خلاف ورزی نہیں ہوئی، ڈاکٹر ماریہ سلطان
ساؤتھ ایشین اسٹریٹجک اسٹیبلٹی انسٹی ٹیوٹ کی ڈائریکٹر جنرل ماریہ سلطان نے مذکورہ ویڈیو کلپ پر تبصرہ کرتے ہوئے کہا کہ اس میں سفارتی آداب کی کوئی خلاف ورزی نہیں ہوئی۔ وزیر اعظم شہباز شریف سے مصافحہ کرنے والے روسی مترجم نے یہ بات ضرور بتائی ہو گی اور روسی صدر کے چہرے کے تاثرات سے لگتا ہے کہ انہیں وزیر اعظم شہباز شریف کی طرف سے اپنی کابینہ کے رکن کے لیے وہی گرمجوشی محسوس ہوئی ہے۔ توقع تھی اور ایسا ہی ہوا کہ روسی صدر وزیر اعظم شہباز شریف کو اپنی کابینہ کے ایک رکن سے ملوانا چاہتے ہیں۔
ڈاکٹر ماریہ سلطان نے کہا کہ وہ اس ویڈیو کلپ میں پاکستان اور روس کے درمیان قریبی تعلقات کی جھلک دیکھ رہی ہیں اور دونوں رہنماؤں کے درمیان بے تکلفی اور دوستانہ تقریب ہے۔
یہ بہت معمولی بات ہے، صدر پیوٹن کو بھی کوئی اعتراض نہیں ہوگا، سفیر مسعود خالد
سابق سفیر مسعود خالد نے وی نیوز سے گفتگو کرتے ہوئے کہا کہ وزیر اعظم شہباز شریف روسی وزیر خارجہ سے مصافحہ کرنے کے لیے آگے بڑھے جو گرمجوشی کا اظہار تھا اور روسی صدر نے اس پر مہربانی نہیں کی۔ سفیر مسعود خالد نے کہا کہ یہ بہت معمولی بات ہے لیکن میرے خیال میں یہ ایک مثبت بات ہے کیونکہ وزیراعظم نے آگے بڑھ کر روسی وزیر خارجہ سے مصافحہ کیا۔ اور ایسی معمولی باتوں کو ایشو نہیں بنانا چاہیے۔
علی سرور نقوی کا کہنا ہے کہ صدر پیوٹن سے پہلے وزیر خارجہ سے مصافحہ کریں تو یہ سفارتی آداب کی خلاف ورزی ہے۔
سینٹر فار انٹرنیشنل اسٹریٹجک اسٹڈیز کے ایگزیکٹو ڈائریکٹر اور سابق سفارت کار علی سرور نقوی کا کہنا تھا کہ میں نے وہ ویڈیو کلپ نہیں دیکھا، لیکن اگر وزیراعظم روسی صدر کے سامنے روسی وزیر خارجہ سے مصافحہ کرتے ہیں تو یہ سفارتی آداب اور پروٹوکول کی خلاف ورزی ہے۔
مزیدپڑھیں :نومنتخب برطانوی وزیراعظم نے کابینہ کا اعلان کردیا جس میں پاکستانی نژاد خاتون بھی شامل
