پاکستان سپر لیگ کے نویں سیزن کا فائنل گزشتہ رات ملتان سلطانز اور اسلام آباد یونائیٹڈ کے درمیان کھیلا گیا جس میں اسلام آباد نے ملتان کو دو وکٹوں سے شکست دی۔
اس مقابلے میں نمایاں کارکردگی کا مظاہرہ کرنے والے آل راؤنڈر عماد وسیم کو میچ کا بہترین کھلاڑی قرار دیا گیا جنہوں نے 23 رنز دے کر 5 کھلاڑیوں کو پویلین لوٹا دیا اور 17 گیندوں پر 19 ناقابل شکست رنز بنائے۔
عماد وسیم پہلی اننگز کے 18ویں اوور میں گراؤنڈ سے باہر چلے گئے (ملتان سلطانز کی بیٹنگ کے ساتھ)، ملتان کا اسکور 9 وکٹوں پر 127 رنز تھا جس میں افتخار احمد اور محمد علی کریز پر موجود تھے۔
اس دوران کیمرہ مین نے ڈریسنگ روم دکھایا تو عماد وسیم وہاں سگریٹ پی رہے تھے۔ آل راؤنڈر کو معلوم نہیں تھا کہ کیمرہ ان کی طرف ہے لیکن جیسے ہی انہیں پتہ چلا انہوں نے فوراً سگریٹ نیچے رکھ دیا۔
WTF ??
IMAD WASIM SMOKING
After taking Fifer #imadwasim #PSLFinal #IUvsMS #MSvsIU pic.twitter.com/IBt7rFLEiV— Qaree (@Bunny420420) March 18, 2024
عماد وسیم کی یہ ویڈیو سوشل میڈیا پر وائرل ہے اور صارفین اس پر تبصرے کر رہے ہیں۔
