نئی دہلی (سپورٹس ڈیسک) سنیل گواسکر ٹیم انڈیا کے لیجنڈ کھلاڑیوں میں سے ایک رہے ہیں۔ ٹیم انڈیا کے سابق کپتان کو ان کی چھوٹی بہن سے پیار ہو گیا تھا اور کچھ ہی دنوں بعد شادی کر لی تھی۔ ہم گنڈپا وشواناتھ کی بات کر رہے ہیں، جنہیں پہلی نظر میں ہی گواسکر کی چھوٹی بہن سے پیار ہوگیا تھا۔ آئیے بتاتے ہیں یہ سب کیسے ممکن ہوسکا تھا۔
دراصل سال 1971 میں ہندوستانی ٹیم ویسٹ انڈیز سے واپس آرہی تھی۔ گواسکر اور گنڈپا ایک ہی ٹیم میں تھے۔ جب ٹیم ہندوستان آئی تو گواسکر، گنڈپا کو اپنے گھر لے گئے۔ جب گنڈپا وہاں گئے تو انہیں گواسکر کی چھوٹی بہن سے پیار ہو گیا۔ گواسکر کی چھوٹی بہن کا نام کویتا ہے۔ کویتا کو بھی گنڈپا پسند آگئے تھے، جس کے بعد دونوں نے چند سال بعد شادی کر لی۔
سنیل گواسکر نے گنڈپا کے بارے میں ایک انٹرویو میں کہا تھا کہ وہ ایک خطرناک انسان ہیں۔ ایک دفعہ میں نے اسے گھر بلانے کی غلطی کی اور نتیجہ ویسا ہی رہا تھا ۔ بتا دیں کہ مارچ 1978 میں گواسکر کی بہن کویتا اور گنڈپا نے ایک دوسرے سے شادی کی تھی۔ گنڈپا کو 1977-78 میں ارجن ایوارڈ بھی دیا گیا تھا۔
سابق ہندوستان کپتان گنڈپا وشواناتھ نے ہندوستان کے لیے 91 ٹیسٹ میچوں میں حصہ لیا۔ اس دوران انہوں نے 6080 رنز بنائے ہیں۔ انہوں نے مجموعی طور پر 14 سنچریاں اور 35 نصف سنچریاں اسکور کیں۔ ان کے بہترین اسکور کی بات کریں تو یہ 222 رنز تھا۔ وہیں اگر ہم ون ڈے کی بات کریں تو انہوں نے 25 ون ڈے میچوں میں 2 نصف سنچریوں کی مدد سے 439 رنز بنائے۔ فرسٹ کلاس کرکٹ میں انہوں نے 44 سنچریوں کی مدد سے 17000 سے زیادہ رنز بنائے ہیں۔
مزیدپڑھیں:شیر افضل مروت کا کورونا ٹیسٹ مثبت آگیا
