اسلام آباد(نیوزڈیسک) انٹرنیشنل کرکٹ کونسل (آئی سی سی) نے راولپنڈی میں کھیلے جانے والے چیمپئنز ٹرافی کے میچز کی سیکیورٹی اور کھیل کے انتظامات پر اطمینان کا اظہار کیا ہے۔
جمعہ کو پاکستان کرکٹ بورڈ کے چیئرمین محسن نقوی نے آئی سی سی کے وفد سے ملاقات کی جس میں چیمپئنز ٹرافی ٹورنامنٹ کی تیاریوں سے متعلق کسی بھی معاملے پر بات چیت کی گئی۔
اس سے قبل وفد نے منگل کو کراچی کا دورہ کیا تھا اور توقع ہے کہ وہ کل 21 ستمبر کو لاہور میں قذافی اسٹیڈیم اور نشتر پارک اسپورٹس کمپلیکس کا دورہ کرے گا۔
راولپنڈی کرکٹ سٹیڈیم کا دورہ کرنے کے بعد وفد نے کراچی اور راولپنڈی دونوں جگہوں کے انتظامات پر اطمینان کا اظہار کیا۔ دونوں مقامات پر سیکیورٹی کے انتظامات تسلی بخش تھے، چیئرمین نقوی نے کہا کہ “ٹیموں کے لیے فول پروف سیکیورٹی انتظامات کیے جائیں گے۔”
چیئرمین کے مطابق انتظامات کو حتمی شکل دی جا رہی ہے، ٹورنامنٹ کے آغاز سے قبل سٹیڈیمز کی اپ گریڈیشن کا کام مکمل کر لیا جائے گا۔
نقوی نے کہا کہ آئی سی سی چیمپئنز ٹرافی ٹورنامنٹ کا پاکستان میں انعقاد اعزاز کی بات ہے۔
ستاروں کی روشنی میں آج بروزجمعۃ المبارک،20ستمبر 2024 آپ کا کیرئر،صحت، دن کیسا رہے گا ؟
