بورڈ آف کنٹرول فار کرکٹ اِن انڈیا بھارتی ٹی ٹوئنٹی ٹیم کی قیادت میں ممکنہ تبدیلی پر غور کر رہا ہے، جبکہ رپورٹس میں دعویٰ کیا جا رہا ہے کہ Shreyas Iyer کو مستقبل کا کپتان بنانے کی منصوبہ بندی کی جا رہی ہے۔
بھارتی میڈیا رپورٹس کے مطابق موجودہ ٹی ٹوئنٹی کپتان Suryakumar Yadav کی مسلسل خراب بیٹنگ فارم نے سلیکٹرز اور بورڈ حکام کو تشویش میں مبتلا کر دیا ہے، جس کے بعد قیادت میں تبدیلی کے امکانات پر سنجیدگی سے غور کیا جا رہا ہے۔
رپورٹس کے مطابق Suryakumar Yadav کی کپتانی میں بھارت نے نمایاں کامیابیاں حاصل کیں، جن میں Asia Cup 2025 اور ICC Men’s T20 World Cup 2026 کا ٹائٹل بھی شامل ہے۔ وہ MS Dhoni اور Rohit Sharma کے بعد بھارت کو ٹی ٹوئنٹی ورلڈ کپ جتوانے والے تیسرے کپتان بنے تھے۔
تاہم ان کی ذاتی بیٹنگ کارکردگی گزشتہ دو برسوں میں توقعات پر پوری نہیں اتر سکی۔ رپورٹس کے مطابق انہوں نے 2024 میں 429 رنز 26.81 کی اوسط سے اسکور کیے، جبکہ 2025 میں 21 میچز کے دوران صرف 218 رنز بنا سکے، جہاں ان کی اوسط 13.62 اور اسٹرائیک ریٹ 123.16 رہا۔
وزیراعظم آزاد کشمیر فیصل ممتاز راٹھور نے وزیر چوہدری محمد رشید کو وزارت سے برطرف کر دیا
دوسری جانب Shreyas Iyer نے اپنی قیادت اور بیٹنگ دونوں سے متاثر کیا ہے۔ انہوں نے Delhi Capitals، Kolkata Knight Riders اور Punjab Kings کو آئی پی ایل فائنلز تک پہنچانے میں اہم کردار ادا کیا، جبکہ 2024 میں کولکتہ نائٹ رائیڈرز کو ٹائٹل بھی جتوایا۔
بھارتی رپورٹس کے مطابق بورڈ آف کنٹرول فار کرکٹ اِن انڈیا آئی پی ایل کے اختتام کے بعد افغانستان، انگلینڈ، آئرلینڈ، ویسٹ انڈیز، سری لنکا اور زمبابوے کے خلاف ہونے والی وائٹ بال سیریز سے قبل قیادت کے معاملے پر اہم فیصلہ کر سکتا ہے۔ ذرائع کے مطابق بورڈ مرحلہ وار تبدیلی کے آپشن پر بھی غور کر رہا ہے۔
