چین(ویب ڈیسک) بہت جلد آپ کو شہر کے اندر ایک جگہ سے دوسری جگہ جانے کے لیے رکشہ یا ٹیکسی کی ضرورت نہیں پڑے گی
بلکہ یہ کام اڑنے والی گاڑی سے ممکن ہو سکے گا۔ چینی کمپنی ای ہانگ ہولڈنگ وہیکلز نے بغیر پائلٹ کے اڑنے والی ایک جدید ائیر ٹیکسی تیار کی ہے جو سنگل چارج پر 100 میل سے زیادہ کا سفر کر سکتی ہے۔کمپنی نے اپنی نئی فلائنگ ٹیکسی وی ٹی 35 کو چین کے صوبہ ان ہوی کے شہر ہیفی میں متعارف کرایا ہے۔
یہ دو نشستوں والی خودکار پرواز کرنے والی گاڑی شہری علاقوں میں فضائی سفر کو محفوظ، آسان اور عام معمول بنانے کے لیے ڈیزائن کی گئی ہے۔وی ٹی 35 جدید خودکار فلائٹ سسٹمز، الیکٹرک پروپولشن اور ایسے ائیر فریم سے لیس ہے جو شہری فضائی سفر کو زیادہ محفوظ بناتا ہے۔ کمپنی کا کہنا ہے کہ یہ ٹیکسی ایک چارج پر 125 سے 134 میل فی گھنٹہ کی رفتار سے تقریباً 125 میل کا فاصلہ طے کر سکتی ہے۔
اس فلائنگ ٹیکسی کی خاص بات یہ ہے کہ یہ ہیلی کاپٹر کی طرح چھتوں، پارکنگ لاٹس اور دیگر محدود جگہوں پر آسانی سے لینڈ اور پرواز کر سکتی ہے، جس سے شہری علاقوں میں اس کی موبیلیٹی بہت بہتر ہو جائے گی۔کمپنی کی حالیہ آزمائش میں یہ بھی ثابت ہوا کہ وی ٹی 35 حرکت کرتے ہوئے بحری جہاز پر بھی کامیابی سے اتری ہے
، جس سے اس کی صلاحیتوں اور وقار کا اندازہ لگایا جا سکتا ہے۔اس ائیر ٹیکسی کا وزن تقریباً 950 کلوگرام ہے اور یہ مکمل طور پر الیکٹرک ہے، جس سے یہ ماحولیاتی لحاظ سے بھی دوست ثابت ہوگی۔یہ نئی فلائنگ ٹیکسی مستقبل میں شہروں کے اندر روایتی ٹیکسی یا رکشے کا کام کرے گی، اور شہری نقل و حمل کا ایک انقلابی حل ثابت ہو گی۔
مزید پڑھیں : اداکارہ فجر شیخ نے اپنےمداحوں کو نئی خوشخبر سنا دی ؟
