نئی دہلی (نیوز ڈیسک)بھارتی ریاست اوڑیسہ کےشہر کٹک میں واقع ایک اسپتال کے ٹراما کیئر یونٹ میں پیر کی صبح لگنے والی آگ کے نتیجے میں کم از کم 19 مریض ہلاک ہوگئے ہیں۔
حکام کے مطابق واقعے میں 5 افراد شدید زخمی بھی ہوئے ہیں، تاہم فوری طور پر یہ واضح نہیں ہوسکا کہ ان کی حالت آگ لگنے سے خراب ہوئی یا وہ پہلے سے زیرِ علاج زخموں کے باعث تشویشناک تھے۔
پولیس کمشنر یوگیش کھرانیا کے مطابق واقعے میں کم از کم 19 افراد کی ہلاکت کی تصدیق ہو چکی ہے۔
ان کے مطابق 100 سے زائد مریضوں کو دیگر اسپتالوں میں منتقل کر دیا گیا ہے، تاہم ان میں سے کئی کی حالت تشویشناک ہے جس کے باعث ہلاکتوں میں اضافے کا خدشہ ظاہر کیا جا رہا ہے۔
At least 10 patients were fatally injured after a fire broke out in the ICU of the Trauma Care department at SCB Medical College and Hospital in Cuttack on March 16.
Mohan Charan Majhi, Chief Minister of Odisha, said the blaze, suspected to have been caused by a short circuit,… pic.twitter.com/qVF1aj8yNZ
— The Assam Tribune (@assamtribuneoff) March 16, 2026
پولیس کمشنر کا کہنا تھا کہ ابتدائی رپورٹس سے ظاہر ہوتا ہے کہ زیادہ تر اموات دھویں کے باعث دم گھٹنے سے ہوئیں، کیونکہ زہریلا دھواں عمارت کی پوری منزل میں پھیل گیا تھا جس سے ریسکیو کارروائیوں میں بھی مشکلات پیش آئیں۔
مقامی ٹی وی چینلز پر نشر ہونے والی فوٹیج میں دیکھا جا سکتا ہے کہ فائر فائٹرز ماسک پہن کر عمارت میں داخل ہونے کے لیے شیشے توڑ رہے تھے اور ایک ہزار بستروں پر مشتمل اس اسپتال میں دم گھٹنے سے مریضوں کو بچانے کی کوشش کر رہے تھے۔
Deeply distressed by the loss of lives in the tragic fire incident at a hospital in Cuttack, Odisha. My heartfelt condolences to the bereaved families. I wish a speedy recovery to those injured.
— President of India (@rashtrapatibhvn) March 16, 2026
اوڑیسہ کے وزیر اعلیٰ موہن چرن ماجھی نے اسپتال کے دورے کے بعد صحافیوں کو بتایا کہ ابتدائی اطلاعات کے مطابق ٹراما سینٹر میں آگ علی الصبح شارٹ سرکٹ کے باعث لگی۔
ان کے مطابق آئی سی یو میں کم از کم 23 مریض زیرِ علاج تھے۔ آگ لگنے کے بعد جب مریضوں کو محفوظ مقام پر منتقل کیا جارہا تھا تو ان میں سے مریض جان کی بازی ہار گئے۔
وزیر اعلیٰ نے بتایا کہ مریضوں کو بچانے کے لیے طبی عملے اور سیکیورٹی اہلکاروں نے اپنی جانوں کو خطرے میں ڈال کر ریسکیو کارروائی کی۔ اس دوران عملے کے بعض افراد بھی زخمی ہوگئے جنہیں علاج کے لیے اسپتال منتقل کردیا گیا ہے۔
مزیدپڑھیں:سابق کپتان راشد لطیف نے الیکشن لڑنے میں دلچسپی کا اظہار کردیا
