اسلام آباد(نیوزڈیسک) میڈیا رپورٹس میں کہا گیا ہے کہ فیڈرل بورڈ آف ریونیو (ایف بی آر) نے ٹیکس کی تعمیل نہ کرنے والے ٹیکس دہندگان کے 150,000سم کارڈز کو بلاک کر دیا۔میڈیا رپورٹس کے مطابق ایف بی آر نے تصدیق کی کہ نان فائلرز کے1 لاکھ 50 ہزار سم کارڈز بلاک کردیئے، ایف بی آر روزانہ5ہزار نان فائلرز کا ڈیٹا پاکستان ٹیلی کمیونیکیشن اتھارٹی (پی ٹی اے) کو فراہم کرتا ہے۔
SIFC کی سفارشات پر عمل درآمد کے لیے نئی کمیٹی تشکیل دی گئی۔ترجمان نے کہا کہ نان فائلرز انکم ٹیکس گوشوارے جمع کروانے کے بعد اپنے سم کارڈز بحال کروا سکتے ہیں۔ترجمان نے مزید کہا کہ ’’اب تک 18902سم کارڈز دوبارہ فعال کیے گئے ہیں جب افراد نے اپنا ٹیکس ادا کیا اور انہیں فعال ٹیکس دہندگان کی فہرست میں شامل کیا گیا‘‘۔
اس سے قبل ایف بی آر کے ترجمان نے ٹیکس فائلرز کے سم کارڈ بلاک کرنے کی خبروں کی تردید کرتے ہوئے کہا تھا کہ ٹیکس فائلرز کے سم کارڈ بلاک کرنے کی خبروں میں کوئی صداقت نہیں کیونکہ اس کے لیے کوئی نظام موجود نہیں ہے۔یہاں یہ بات قابل ذکر ہے کہ ایف بی آر نے انکم ٹیکس جنرل آرڈر جاری کیا ہے، جس میں حکام کو ملک بھر میں 506671سے زائد شناخت شدہ ٹیکس دہندگان کے سم کارڈ بلاک کرنے کا کہا گیا ہے۔
تفصیلات کے مطابق ایف بی آر نے506671سے زائد افراد کی نشاندہی کی جو انکم ٹیکس گوشوارے جمع کرانے کے اہل ہیں لیکن ایف بی آر ایکٹو ٹیکس پیئر لسٹ میں شامل نہیں ہیں۔ ایف بی آر کے ترجمان نے کہا کہ اہل ہونے کے باوجود ان افراد نے اپنی ٹیکس ذمہ داریاں پوری نہیں کیں۔ایف بی آر نے تعمیل نہ کرنے والے ٹیکس دہندگان کے خلاف کارروائی شروع کر دی ہے اور ٹیکس چوروں کو متنبہ کیا ہے کہ اگر وہ اپنے ٹیکس گوشوارے جمع نہ کرائیں تو سم کارڈ کو کسی بھی وقت بلاک کیا جا سکتا ہے۔
وزیراعلیٰپنجاب کا نوجوانوں کیلئےبڑا اقدام، گھر کی دہلیز پر مریم دستک ایپ لانچ
