بھارت میں شادی کے منڈپ سے گینگسٹر دولہا گرفتار، دلہن کی پولیس سے جذباتی اپیل

بھارت کی ریاست Madhya Pradesh میں شادی کی تقریب اس وقت ڈرامائی صورتحال اختیار کر گئی جب شادی میں گینگسٹر دولہا گرفتار کر لیا گیا۔

پولیس نے شادی کے منڈپ پر چھاپہ مار کر دولہا کو حراست میں لیا جس کے بعد خوشیوں بھری تقریب میں ہلچل مچ گئی۔

بھارتی میڈیا کے مطابق شادی میں گینگسٹر دولہا گرفتار ہونے والا شخص Akash Neelkanth alias Bhura ہے۔ پولیس نے کارروائی کے دوران اس کے چار ساتھیوں کو بھی گرفتار کیا۔

گرفتاری کے بعد دلہن تھانے پہنچی اور پولیس افسران سے درخواست کی کہ کم از کم دو گھنٹے کے لیے دولہا کو چھوڑ دیا جائے تاکہ شادی کی رسمیں مکمل ہو سکیں۔

دلہن نے مؤقف اختیار کیا کہ اسے دولہا کے جرائم کے بارے میں کوئی علم نہیں تھا اور مہمان اس کے گھر میں انتظار کر رہے ہیں۔

تاہم پولیس نے دلہن کی درخواست مسترد کر دی اور حراست میں بھی شادی کی اجازت دینے سے انکار کر دیا۔

پولیس کے مطابق آکاش بھورا Bhopal میں سرگرم ایک گینگ کا سربراہ ہے جسے مقامی طور پر غیر قانونی گینگ کہا جاتا ہے۔

حکام کے مطابق اس گروہ میں تقریباً پچاس نوجوان شامل ہیں اور کئی ارکان نے اپنی گردن پر غیر قانونی کا ٹیٹو بھی بنوا رکھا ہے۔

پولیس کا کہنا ہے کہ شادی میں گینگسٹر دولہا گرفتار ہونے والے ملزم کے خلاف قتل سمیت اکتیس مقدمات درج ہیں۔

وہ ایک سیاسی رہنما کے قتل کے مقدمے میں بھی مرکزی ملزم رہ چکا ہے اور تقریباً ڈیڑھ سال جیل میں گزارنے کے بعد چار ماہ قبل ضمانت پر رہا ہوا تھا۔

بعد ازاں پولیس نے ملزم اور اس کے ساتھیوں کو عدالت میں پیش کیا جہاں سے انہیں مزید تفتیش کے لیے جسمانی ریمانڈ پر بھیج دیا گیا۔