نئی دہلی (نیوز ڈیسک) اتر پردیش میں کبڈی میچ کے دوران آسمانی بجلی گرنے سے کھلاڑی اور تماشائیوں میں بھگدڑ، واقعہ کی ویڈیو سوشل میڈیا پر وائرل ہوگئی۔
اتر پردیش کے ضلع بستی میں ایک غیر معمولی واقعہ اس وقت پیش آیا جب کسان ڈگری کالج گراؤنڈ میں جاری کبڈی کے دوستانہ میچ کے دوران اچانک آسمان سے بجلی گر گئی۔ واقعہ اتوار کی شام اُس وقت پیش آیا جب سینکڑوں تماشائی کھیل دیکھنے کے لیے میدان میں موجود تھے۔عینی شاہدین کے مطابق، جیسے ہی زور دار چمک اور کڑک کے ساتھ آسمانی بجلی قریب گری، گراؤنڈ میں موجود کھلاڑی اور شائقین خوفزدہ ہو کر اِدھر اُدھر بھاگنے لگے۔ بچوں اور خواتین کے شور شرابے سے ماحول مزید گھبراہٹ کا شکار ہوگیا۔ تاہم خوش قسمتی سے کوئی جانی یا مالی نقصان رپورٹ نہیں ہوا۔
مزیدپڑھیں:خطرے کی گھنٹی بج گئی
