گوگل کی اہم ترین سروس کی آخری تاریخ سامنے آگئی

اسلام آباد (اوصاف نیوز) یہ تو پہلے ہی سے معلوم ہے کہ گوگل اسسٹنٹ کا دور ختم ہونے والا ہے لیکن اب پتہ چل گیا ہے کہ اسے کب ریٹائر کیا جا رہا ہے۔

مصنوعی ذہانت (AI) ٹیکنالوجی سے لیس چیٹ بوٹ جیمنی بہت جلد اینڈرائیڈ ڈیوائسز پر گوگل اسسٹنٹ کو تبدیل کرنے کے لیے تیار ہے۔

گوگل نے 2025 کے اوائل میں اعلان کیا تھا کہ گوگل اسسٹنٹ کو ریٹائر کر دیا جائے گا اور اس کی جگہ جیمنی لے گا۔

درحقیقت تمام صارفین اس تبدیلی کو اپنانے پر مجبور ہوں گے اور گوگل اسسٹنٹ اینڈرائیڈ فونز، اینڈرائیڈ آٹو، گوگل ٹی وی اور دیگر سروسز پر دستیاب نہیں ہوگا۔

اب اینڈرائیڈ اتھارٹی نے ایک رپورٹ میں بتایا ہے کہ گوگل اسسٹنٹ کب ریٹائر ہو جائے گا۔

گوگل کے اینڈرائیڈ آٹو سپورٹ فورم میں ایک بینر پیغام میں کہا گیا ہے کہ گوگل اسسٹنٹ صرف مارچ 2026 تک دستیاب ہوگا۔

تاہم، اس نے کسی تاریخ کی وضاحت نہیں کی، یعنی یہ مارچ 2026 میں باضابطہ طور پر ریٹائر ہو جائے گا۔

گوگل اسسٹنٹ کو جیمنی کے ساتھ تبدیل کرنا کوئی حیران کن بات نہیں ہے، کیونکہ کمپنی نے Pixel 9 اسمارٹ فون میں Gemini کو ڈیفالٹ ورچوئل اسسٹنٹ بنا کر اس کا اشارہ دیا تھا۔

گوگل جیمنی کو فروغ دینے اور اسے ایپس میں زیادہ سے زیادہ ضم کرنے کے لیے سخت محنت کر رہا ہے۔

جب گوگل نے پہلی بار اس کا اعلان کیا تو اس نے کہا کہ گوگل اسسٹنٹ کو اس سال کے آخر تک زیادہ تر موبائل ڈیوائسز سے ہٹا دیا جائے گا یا پھر ایپ اسٹورز پر دستیاب نہیں ہوگا۔

کمپنی کے مطابق اسسٹنٹ کو مکمل طور پر بند کرنے سے پہلے جیمنی کو زیادہ سے زیادہ بہتر کیا جائے گا تاکہ صارفین گوگل اسسٹنٹ سے محروم نہ ہوں۔
مزید پڑھیں‌:کراچی کنگز نے پی ایس ایل فرنچائز کے معاہدے کی تجدید کردی