لندن (اوصاف نیوز) برطانیہ نے پاکستانی یوٹیوبر رجب بٹ کو ڈی پورٹ کر دیا۔
پاکستانی یوٹیوبر رجب بٹ کو برطانیہ سے ڈی پورٹ کر دیا گیا ہے اور وہ آج صبح ایک پرواز سے پاکستان روانہ ہو گئے ہیں۔
رجب بٹ کی ملک بدری کی وجہ ان کے برطانوی ویزا کی منسوخی تھی۔
🚨BREAKING: YouTuber Rajab Butt removed from the UK after arrest by the UK intelligence. Exclusive details: https://t.co/pSy85SSAPj
— Murtaza Ali Shah (@MurtazaViews) December 9, 2025
رپورٹ کے مطابق رجب بٹ کا ویزا اپنی ویزا درخواست میں ان کے خلاف حالیہ قانونی مقدمات کو ظاہر نہ کرنے پر منسوخ کیا گیا تھا۔
دوسری جانب اسلام آباد ہائی کورٹ نے رجب بٹ اور ٹک ٹوکر ندیم نانی والا کی کل تک حفاظتی ضمانت منظور کرلی۔
عدالت نے حکم دیا ہے کہ یوٹیوبر اور ٹک ٹوکر کو کل اسلام آباد ایئرپورٹ پر اترنے پر گرفتار نہ کیا جائے۔ دونوں کو کل اسلام آباد ہائی کورٹ میں پیش ہونے کی ہدایت کی گئی ہے۔
دونوں ملزمان کے خلاف سائبر کرائم سمیت دیگر کئی مقدمات درج ہیں۔
مزید پڑھیں:فیول پرائس ایڈجسٹمنٹ کی مد میں بجلی فی یونٹ سستی ہو گئی
