عامر خان چوتھی شادی سے متعلق بڑا انکشاف سامنے آگیا

نئی دہلی (شوبز ڈیسک) بالی ووڈ کے مشہور اداکار اور مسٹر پرفیکشنسٹ عامر خان نے گوری سپراٹ کے ساتھ اپنے تعلقات اور ان کی شادی کی قیاس آرائیوں کے بارے میں کھل کر بات کی ہے۔

بھارتی میڈیا رپورٹس کے مطابق عامر خان گوری سپراٹ کے ساتھ ممبئی میں ایک نئے گھر میں منتقل ہونے جا رہے ہیں جو ان کی خاندانی رہائش گاہ کے قریب واقع ہے۔ اس پیش رفت کے بعد ان کی شادی سے متعلق سوالات ایک بار پھر توجہ کا مرکز بن گئے ہیں۔

عامر خان نے ایک صحافی کو بتایا کہ یہ تمام معاملات ان کی پروڈکشن فلم ‘ہیپی پٹیل’ کی ریلیز کے عین درمیان میں ہو رہے ہیں جس کی وجہ سے ان کی زندگی ان دنوں انتہائی مصروف اور غیر معمولی صورتحال سے گزر رہی ہے۔ تاہم انہوں نے واضح طور پر کہا کہ ان کا فی الحال شادی کا کوئی سرکاری ارادہ نہیں ہے۔

گوری سپراٹ کے ساتھ اپنے رشتے کے بارے میں بات کرتے ہوئے اداکار نے کہا کہ وہ دونوں ایک دوسرے کے لیے بہت سنجیدہ ہیں اور پوری وابستگی کے ساتھ تعلقات کو آگے بڑھا رہے ہیں۔ ان کے مطابق وہ اور گوری ایک دوسرے کے جیون ساتھی ہیں اور دل کی سطح پر وہ خود کو پہلے ہی شادی شدہ سمجھتے ہیں۔

عامر خان نے کہا کہ وہ قانونی شادی کا فیصلہ وقت پر چھوڑنا چاہتے ہیں اور اس رشتے کو باقاعدہ بنانا ہے یا نہیں اس کا فیصلہ وہ کریں گے۔ ان کے مطابق اصل اہمیت صرف کاغذی دستاویزات نہیں بلکہ سچائی اور ایک دوسرے سے وابستگی ہے۔

واضح رہے کہ گوری سپراٹ سے پہلے عامر خان دو شادیاں کر چکے ہیں، پہلی رینا دت سے اور دوسری کرن راؤ سے، جن سے ان کے تین بچے ہیں۔ 60 سالہ اداکار کی ذاتی زندگی ہمیشہ مداحوں اور میڈیا کی توجہ کا مرکز رہی ہے۔

گوری سپراٹ کا تعلق بنگلور سے ہے اور وہ اس وقت عامر خان فلمز سے وابستہ ہیں۔ جوڑے نے گزشتہ سال اپنے تعلقات کا باضابطہ اعلان کیا تھا اور کہا تھا کہ اس اعلان سے پہلے وہ تقریباً ایک سال سے ڈیٹنگ کر رہے تھے۔

یاد رہے کہ بالی وڈ اداکار عامر خان نے تین شادیاں کی ہیں پہلی بیوی ریینا داھل ان کی شادی 1986 میں ہوئی تھی اور بعد میں طلاق ہو گئی۔دوسری بیوی ریانہ خان شادی 1987 میں ہوئی اور 2002 میں ختم ہوئی۔تیسر ی بیوی کرن راؤ (کرن خان) موجودہ بیوی، شادی 2005 میں ہوئی، اور وہ آج بھی ساتھ ہیں۔
مزید پڑھیں‌:ایف بی آر کا استعمال شدہ برانڈڈ موبائل فونز کی نئی کسٹمز ویلیو مقرر