نیویارک (اوصاف نیوز)اقوام متحدہ میں پاکستان کے مستقل مندوب عاصم افتخار نے کہا ہے کہ افغان سرزمین دہشت گردی کے لیے استعمال ہورہی ہے، وہاں دہشت گرد گروہوں کی موجودگی پر تشویش ہے۔
سلامتی کونسل میں اپنے بیان میں انہوں نے کہا کہ حالیہ دہشت گردی کے واقعات میں 80 بے گناہ پاکستانی جاں بحق ہوئے، ان حملوں کی منصوبہ بندی کے لیے افغان سرزمین استعمال کی گئی۔
عاصم افتخار نے کہا کہ طالبان افغان زمین کسی ملک کے خلاف استعمال نہ ہونے دیں۔ انہوں نے افغانستان میں انسانی بحران اور خواتین کے حقوق کی پامالی پر تشویش کا اظہار کیا۔
مزید پڑھیں: حکومت عمران خان کے علاج کےحوالے سے علیمہ خان کے مطالبہ پر رضا مند
