علی ظفر نے قوم سے معافی مانگ لی، اصل معاملہ کیا ہے؟

لاہور (شوبز ڈیسک) عالمی شہرت یافتہ گلوکار و اداکار علی ظفر نے قوم سے معافی مانگتے ہوئے کہا ہے کہ کوشش کروں گا کہ یہ سنگین غلطی دوبارہ نہ دہرائی جائے۔

علی ظفر نے سوشل میڈیا پر اپنے پیغام میں کہا کہ میں قوم سے معافی مانگنا چاہتا ہوں کہ میں نے بغیر واسکٹ کے کرتہ پہنا اور عید کے موقع پر روایتی اجرک اور دھوتی میں پودوں کو پانی دینے کا انتہائی سنگین فعل کیا۔

I would like to apologise to the nation for wearing a see through kurta without a banyan, and for the very serious act of watering plants in a traditional Ajrak dhoti on Eid. I understand this has been one of the most pressing national and global issues affecting everyone’s lives…

— Ali Zafar (@AliZafarsays) March 24, 2026

انہوں نے کہا کہ مجھے یقین ہے کہ یہ حالیہ دنوں میں سب کی زندگیوں کو متاثر کرنے والے اہم ترین قومی اور عالمی مسائل میں سے ایک رہا ہے اور میں پوری کوشش کروں گا کہ اس غلطی کو دوبارہ نہ دہرایا جائے۔ اس معاملے پر توجہ دینے کا شکریہ۔

واضح رہے کہ علی ظفر نے عید کے موقع پر ایک مختصر ویڈیو شیئر کی تھی جس میں وہ گلابی اور آڑو کی شرٹ کے ساتھ دھوتی پہنے پودوں کو پانی دیتے نظر آئے تھے۔ تاہم ان کا یہ منفرد لباس سوشل میڈیا پر تنقید کی زد میں آگیا۔

اس دوران دیگر تصاویر میں علی ظفر اپنی اہلیہ کے ساتھ ملتے جلتے سوٹ میں نظر آئے، جس پر صارفین کی جانب سے ایک بار پھر تنقیدی تبصرے کیے گئے۔ کچھ کا کہنا تھا کہ لباس لڑکیوں کے انداز کا لگتا ہے، جب کہ کسی کو یہ کہتے ہوئے دیکھا گیا کہ تم نے بنیان کیوں نہیں پہنی؟
مزید پڑھیں‌:زلزلے کے جھٹکے، مختلف علاقوں میں خوف و ہراس پھیل گیا