تعمیراتی شعبے کے لیے بری خبر،سیمنٹ کی قیمتوں میں اضافہ

اسلام آباد (نیوز ڈیسک) ملک میں ایک ہفتے کے دوران سیمنٹ کی پرچون قیمت میں معمولی اضافہ ریکارڈ کیا گیا۔ ادارہ شماریات کے مطابق 26 مارچ کو ختم ہونے والے ہفتے میں شمالی شہروں میں سیمنٹ کی فی بوری کی اوسط پرچون قیمت 1482 روپے ریکارڈ کی گئی جو کہ گزشتہ ہفتے کے مقابلے میں 0.43 فیصد زیادہ ہے۔ گزشتہ ہفتے شمالی شہروں میں سیمنٹ کی فی بوری اوسط خوردہ قیمت 1476 روپے ریکارڈ کی گئی تھی۔

26 مارچ کو ختم ہونے والے ہفتے میں جنوبی شہروں میں فی بوری سیمنٹ کی اوسط قیمت 1489 روپے ریکارڈ کی گئی جو گزشتہ ہفتے کے مقابلے میں 1.20 فیصد زیادہ ہے۔ گزشتہ ہفتے جنوبی شہروں میں فی بوری قیمت 1471 روپے تھی۔

گزشتہ ایک ہفتے کے دوران اسلام آباد میں سیمنٹ کی فی بوری قیمت 1441 روپے، راولپنڈی میں 1433 روپے، گوجرانوالہ میں 1520 روپے، سیالکوٹ میں 1510 روپے، لاہور میں 1509 روپے، فیصل آباد میں 1450 روپے، سرگودھا میں 1500 روپے فی بوری ریکارڈ کی گئی۔ بہاولپور میں 1513 روپے، پشاور میں 1533 روپے اور بنوں میں 1400 روپے۔

کراچی میں فی بوری قیمت 1400 روپے، حیدرآباد میں 1498 روپے، سکھر میں 1550 روپے، لاڑکانہ میں 1413 روپے، کوئٹہ میں 1470 روپے اور خضدار میں 1600 روپے ریکارڈ کی گئی۔
مزید پڑھیں‌:پی ٹی آئی کودھچکا،سہیل آفریدی سےمتعلق بڑی خبر