دہلی (انٹرنیشنل ڈیسک) دہلی ایئرپورٹ پر سوئس ائیر پرواز LX147 کے دوران ٹیک آف کے فوراً بعد انجن میں آگ لگنے کا واقعہ پیش آیا، جس کے نتیجے میں 6 مسافر زخمی ہوگئے۔
ایئرلائن کے مطابق طیارے میں 228 مسافر اور 4 بچے سوار تھے، جبکہ پرواز زیورخ کے لیے روانہ ہو رہی تھی۔ ٹیک آف کے بعد ایک انجن میں خرابی پیدا ہوئی جس کے بعد عملے نے فوری طور پر ہنگامی کارروائی کرتے ہوئے طیارے کو واپس لینڈ کرایا۔
Emergency evacuation from Swiss Delhi – Zurich flight LX0147 pic.twitter.com/rvzhCPb3bg
— Ishan Jain (@JainIshan316) April 25, 2026
بیان میں بتایا گیا کہ زخمی مسافروں کو قریبی اسپتال منتقل کیا گیا ہے جبکہ باقی مسافر محفوظ رہے۔ ایمرجنسی سلائیڈز کے ذریعے انخلا کیا گیا اور بعض مسافروں کو سیڑھیوں کے ذریعے باہر نکالا گیا۔
سوئس انٹرنیشنل ایئر لائنز کے مطابق واقعے کی تحقیقات جاری ہیں اور تمام مسافروں کی دیکھ بھال اور متبادل انتظامات مکمل کیے جا رہے ہیں۔
مزید پڑھیں:ڈیرل مچل،عماد بٹ اور نسیم شاہ سےمتعلق اہم فیصلہ سامنے آگیا
