کویت سٹی(نیوز ڈیسک) کویت نے انٹرنیشنل ائیرپورٹ پر ہونے والے ڈرون حملے کی سرویلنس ویڈیو جاری کردی ہے، جس میں حملے کے وقت کی صورتحال اور نقصان کے ابتدائی مناظر سامنے آئے ہیں۔
🔴Moment of impact of the Shahed-136 suicide drone on Terminal 1 of Kuwait International Airport as seen from CCTV cameras
Note: This terminal, which was recently under reconstruction and upgrading of its technical systems, had just resumed operations from June 1 through a… pic.twitter.com/0XsOQz5NWq
— Angelo Giuliano 🇨🇭🇮🇹 (@angeloinchina) June 4, 2026
کویتی حکام کے مطابق یہ واقعہ گزشتہ روز اس وقت پیش آیا جب ایک ڈرون ٹرمینل ون سے ٹکرا گیا۔ حکام کا کہنا ہے کہ حملے کے نتیجے میں ہوائی اڈے پر شدید تباہی ہوئی۔
سرکاری مؤقف کے مطابق ابتدائی تحقیقات میں یہ بات سامنے آئی ہے کہ ایرانی میزائلوں کو روکنے کے دوران امریکی ساختہ پیٹریاٹ دفاعی نظام میں خرابی پیدا ہوئی، جس کے باعث ڈرون کو بروقت نہیں روکا جا سکا۔ واقعے میں ایک شخص ہلاک جبکہ 63 افراد زخمی ہوئے ہیں۔
حکام نے بتایا کہ ویڈیو میں دیکھا جا سکتا ہے کہ ڈرون تیزی سے آ کر ائیرپورٹ کے ٹرمینل سے ٹکرا جاتا ہے، جس کے فوراً بعد دھماکہ اور آگ بھڑک اٹھتی ہے۔
دوسری جانب ایران کی پاسدارانِ انقلاب نے کویتی ائیرپورٹ پر حملے میں کسی بھی قسم کے کردار کی سختی سے تردید کی ہے اور الزامات کو مسترد کر دیا ہے۔
واقعے کے بعد خطے میں سکیورٹی صورتحال مزید حساس ہو گئی ہے، جبکہ ماہرین کے مطابق اس حملے کے بعد فضائی دفاعی نظام اور علاقائی تناؤ پر نئے سوالات اٹھ کھڑے ہوئے ہیں۔
مزید پڑھیں۔گیس صارفین کے لیے بڑی خوشخبری متوقع، مقامی گیس کی کم قیمتوں کا فائدہ عوام تک پہنچانے کی تیاری
