کراچی (ویب ڈیسک )پاکستان سمیت دنیا بھر کے مسلمان رمضان المبارک کے اختتام پر عید الفطر مناتے ہیں۔ خیال رہے کہ پاکستان میں شوال کا چاند 10 اپریل 2024 کو نظر آئے گا کیونکہ سائنسی مشاہدات سے ظاہر ہوتا ہے کہ رواں سال شوال کا چاند 29 رمضان کو نظر آئے گا۔ تاہم عید الفطر کے حوالے سے حتمی فیصلہ مرکزی رویت ہلال کمیٹی کرے گی۔
اس تقریب کو منانے کے لیے حکومت کی جانب سے ملک بھر کے اسکولوں، کالجوں، یونیورسٹیوں، دفاتر اور بازاروں میں عام تعطیلات کا اعلان کیا جاتا ہے۔
مزیدپڑھیں :بابر اعظم نے پی سی بی سے تینوں فارمیٹ کی کپتانی کا مطالبہ کردیا
سندھ سمیت وفاقی اور صوبائی حکومتوں نے ابھی تک اسکولوں میں عام تعطیلات کا نوٹیفکیشن جاری نہیں کیا ہے تاہم توقع ہے کہ عید 10 اپریل کو پڑنے کی صورت میں تعلیمی ادارے 9 اپریل سے 14 اپریل تک بند رہیں گے۔
اگر رمضان المبارک 30 دن کا ہوتا ہے تو سندھ میں اسکولوں کی تعطیلات 10 اپریل سے 14 اپریل تک ہوں گی کیونکہ عید 11 اپریل کو ہوگی۔
صوبہ سندھ کے اسکولوں میں عید الفطر کے موقع پر 5 سے 6 تعطیلات متوقع ہیں۔
