لاہور(نیوزڈیسک) نومنتخب گورنر پنجاب سردار سلیم حیدر خان کی آج ہونے والی تقریب حلف برداری منسوخ کر دی گئی۔ اب وہ 7 مئی کو شام 6 بجے حلف لیں گے۔چینل کے مطابق سردار سلیم حیدر خان کو پیپلز پارٹی نے پنجاب کے گورنر کے لیے نامزد کیا ہے اور صدر آصف علی زرداری نے ان کی تقرری کی منظوری دے دی ہے۔
صدر مملکت نے آئین پاکستان کے آرٹیکل 101 (1) کے تحت گورنر پنجاب کی تقرری کی منظوری دی۔پنجاب کے نئے تجویز کردہ گورنر سردار سلیم 2008 سے 2013 تک پاکستان پیپلز پارٹی کے ٹکٹ پر قومی اسمبلی کے رکن رہے۔ان کا تعلق ضلع اٹک کی تحصیل فتح جھنگ سے ہے۔
نومبر 2008 میں، انہیں وزیر اعظم یوسف رضا گیلانی کی وفاقی کابینہ میں شامل کیا گیا اور انہیں وزیر مملکت برائے دفاعی پیداوار مقرر کیا گیا جہاں انہوں نے فروری 2011 تک خدمات انجام دیں۔جون 2012 میں، انہیں وزیر اعظم راجہ پرویز اشرف کی وفاقی کابینہ میں شامل کیا گیا اور انہیں وزیر مملکت برائے دفاع مقرر کیا گیا جہاں انہوں نے مارچ 2013 تک خدمات انجام دیں۔
انہوں نے گزشتہ حکومت کے دوران بیرون ملک مقیم پاکستانیوں کے بارے میں وزیراعظم کے معاون خصوصی کے طور پر بھی خدمات انجام دیں۔گزشتہ جمعہ کو وزیراعظم شہباز شریف کی حکومت میں اتحادی جماعت پاکستان پیپلز پارٹی (پی پی پی) نے سلیم حیدر خانس کو پنجاب کا گورنر نامزد کیا۔ –
