اسلام آباد ہائی کورٹ نے سابق وفاقی وزیر زرتاج گل کا نام حج کی ادائیگی کے لیے ای سی ایل سے نکالنے کی درخواست پر سماعت کا حکم جاری کردیا۔
اسلام آباد ہائی کورٹ کے جسٹس طارق محمود جہانگیری نے زرتاج گل کی درخواست پر تحریری سماعت کا حکم جاری کیا، جس میں کہا گیا ہے کہ زرتاج گل پر سفری پابندی کی درخواست کا کوئی قانونی جواز یا اخلاقی جواز نہیں ہے۔
عدالت نے اپنے حکم میں کہا کہ سیکرٹری داخلہ عدالت کی معاونت کے لیے قانون کا علم رکھنے والے سینئر افسر کو تعینات کریں اور مجاز افسر کو متعلقہ ریکارڈ کے ساتھ آئندہ سماعت پر کیس کے حقائق سے آگاہ ہونا چاہیے۔
مزید پڑھیں: آئین کی بحالی کیلئے اپوزیشن جماعتوں کاملک گیر مہم چلانے کا فیصلہ
عدالتی حکم میں مزید کہا گیا ہے کہ وکیل کے مطابق درخواست گزار کے خلاف احتجاج پر متعدد مقدمات درج ہیں اور وہ قانون کا سامنا کر رہی ہیں، زرتاج گل کسی کیس میں مفرور یا وکالت نہیں کر رہی اور ضمانت حاصل کر رکھی ہے۔
حکم نامے میں کہا گیا ہے کہ زرتاج گل پر سفری پابندیوں کے اطلاق کا کوئی قانونی جواز یا اخلاقی جواز نہیں ہے۔اسلام آباد ہائیکورٹ نے سیکرٹری داخلہ کو نوٹس جاری کرتے ہوئے جواب طلب کر لیا۔
