اسلام آباد(نیوزڈیسک)وولکن اونگق نے کوکا کولا کمپنی کے یوریشیا اور مشرق وسطیٰ کے آپریشن یونٹ کے پاکستان اور افغانستان ریجن کے نئے نائب صدر کے طور پر چارج سنبھال لیا ہے۔
وولکن کا تجارتی انتظام، کاروبار کی ترقی، اور فروخت میں پیشہ ورانہ تجربہ دو دہائیوں پر محیط ہے۔
اپریل 2021 میں شمولیت کے بعد سے ریونیو گروتھ مینجمنٹ میں ان کی مہارت، ترکی اور بین الاقوامی سطح پر، کمپنی کے لیے ایک کلیدی اثاثہ رہی ہے۔
کوکا کولا پاکستان کے لیے اپنے وژن کے بارے میں بات کرتے ہوئےوولکن اونگق نے کہاکہ ”مجھے یقین ہے کہ پاکستان کوکا کولا سسٹم کے ذریعے ملک میں 1 بلین امریکی ڈالر سے زیادہ کی سرمایہ کاری کے ساتھ بے پناہ صلاحیتوں کا حامل ملک ہے۔ یہ واقعی دوسرا گھر ہے اور میرے آبائی ملک ترکی کے ساتھ بہت سی مماثلتیں ہیں۔
انہوںنے کہاکہ میں نے ایک مشہور میوزیکل پلیٹ فارم کوک اسٹوڈیو سیزن 15 کے آغاز کے ساتھ اس کا مشاہدہ کیا، جو پاکستانی موسیقی اور ثقافت کے ناقابل یقین ٹیلنٹ اور تنوع کو ظاہر کرتا ہے۔ کوکا کولا پاکستان اتنا ہی مقامی ہے جتنا اسے ملتا ہے۔
ان کا کہناتھاکہ اس سال ہماری توجہ کمیونٹی کے ان لاکھوں لوگوں کو پینے کا صاف پانی فراہم کرنے پر مرکوز ہے جن کے لیے ہم پورے ملک میں خدمات انجام دے رہے ہیں۔
اونگق نے کہاکہ میں یہاں کے لوگوں کا شکریہ ادا کرنا چاہتا ہوں جنہوں نے میرا پرتپاک استقبال کیا۔ اب میں خود کو ایک عزت دارپاکستانی سمجھتا ہوں۔“
اپنی کارپوریٹ کامیابیوں سے ہٹ کر، وولکن اونگق مشہور سرمایہ کار اور سرپرست ہیں، جو نئے کاروباری ماڈلز اور انٹرپرینیورشپ کو آگے بڑھانے میں سرگرم عمل ہیں۔ تکنیکی، ذاتی اور قائدانہ ترقی کے عزم کے ساتھ، انھیں ایک بہترین پیشہ ور کے طور پر جانا جاتاہے۔
