کراچی (نیوز ڈیسک )سابق صدر عارف علوی کی ہمشیرہ انتقال کرگئیں ،بدھ کوسماجی رابطوں کی سائٹ ایکس پراپنی ہمشیرہ کے انتقال کاپیغام جاری کرتے ہوئے سابق صدر عارف علوی نے کہاکہ میری پیاری بہن، ہمدرد، دوست اور بے پناہ محبت کرنے والی ڈاکٹر زعیمہ علوی اللہ کو پیاری ہو گئیں۔
وہ ایک نیک دل اور مخیر خاتون تھیں جنہوں نے اپنی زندگی اللہ کی رضا اور مخلوقِ خدا کی خدمت میں وقف کر دی۔ اپنے شوہر ڈاکٹر رشید احمد کی 2019 میں وفات کے بعد ان کی اللہ سے قربت مزید بڑھ گئی۔
اللہ رب العزت نے جب انہیں یہ پکار دی ہوگی:
تو وہ مطمئن دل کے ساتھ اپنے رب کی طرف لوٹ گئیں۔
اے اللہ! اپنی رحمت سے ان کی مغفرت فرما، انہیں جنت الفردوس میں اعلیٰ مقام عطا فرما، اور ان کے درجات بلند فرما۔ آمین۔
میری بہن کے ساتھ جن کا زندگی میں تعلق رہا، ان سب سے گزارش ہے کہ ان کی کوتاہیوں کو معاف کریں اور ان کے لیے دعا کریں۔ اللہ آپ سب پر بھی اپنی رحمت نازل فرمائے۔ آمین۔
میری پیاری بہن، میری ہمدرد، میری دوست، اورمجھ سے بے پناہ محبت کرنے والی ڈاکٹر زعیمہ علوی احمد اللہ کو پیاری ہو گئیں۔
إِنَّا لِلَّهِ وَإِنَّا إِلَيْهِ رَاجِعُونَ
وہ ایک نیک دل، مخیر خاتون تھیں، جنہوں نے اپنی زندگی اللہ کی رضا اور اور اُسکے بندوں کی خدمت میں وقف کر دی تھی۔ بالخصوص… pic.twitter.com/5t2PQCDF8s— Dr. Arif Alvi (@ArifAlvi) September 10, 2025
مزیدپڑھیں:پاکستان سعودی عرب کاڈیجیٹل تعاون کو مضبوط بنانے کا عزم
