اسلام آباد(نیوز ڈیسک)سیالکوٹ کے علاقے گوہدپور سے ایک تشویشناک واقعے کی ویڈیو سوشل میڈیا پر وائرل ہو رہی ہے جس میں ایک موٹرسائیکل سوار نوجوان کو رکشے میں سفر کرنے والی خاتون کے ساتھ بدتمیزی کرتے اور اس کا دوپٹہ زبردستی کھینچتے ہوئے دیکھا جا سکتا ہے۔ ویڈیو میں نوجوان کا چہرہ واضح طور پر دکھائی دے رہا ہے، جس کی بنا پر اس کی شناخت کرنا آسان ہو گئی ہے۔
یہ واقعہ ہے گوھدپور ، سیالکوٹ کا جہاں موٹرسائیکل سوار لڑکا چنگچی رکشے میں بیٹھی عورت کے ساتھ بدتمیزی کررہا ہے۔دوپٹہ کھینچ رہا۔
لڑکے کا چہرہ دیکھا جاسکتا ہے جس کی پہچان آسانی سے ہو سکتی ہے۔ @OfficialDPRPP@DpoSialkot
اور اُمید ہے سی سی ڈی اس پر بھی اپنا فرض خوب نبھائے گی ۔ pic.twitter.com/0yTkZa60gO— Bakker Janjua (@Bakkerjanjua) October 8, 2025
شہریوں اور سوشل میڈیا صارفین نے اس عمل کی شدید مذمت کی ہے اور مطالبہ کیا کہ ذمہ داروں کے خلاف فوری اور سخت قانونی کارروائی کی جائے۔ ایک صارف کا کہنا تھا کہ ایسے انسان کو عبرت کا نشان بنا دینا چاہیے۔
طاہر مغل لکھتے ہیں کہ سڑکوں پر ایسے واقعات کو روکنا بہت ضروری ہے۔
دوسری جانب ڈی پی اور سیالکوٹ فیصل شہزاد نے واقع کا نوٹس لیتے ہوئے فوری کارروائی کی اور ملزم کو گرفتار کر لیا۔ ملزم سلمان بٹ کے خلاف تھانہ مراد پور میں مقدمہ درج کر لیا گیا ہے۔
ڈی پی او نے واقعہ پر ردعمل دیتے ہوئے کہا ہے کہ ملزم کو قانون کے مطابق عدالت سے عبرتناک سزا دلوائی جائے گی۔
