کراچی(نیوز ڈیسک)حکومت سندھ نے ہندو ملازمین کے لیے 20 اور 21 اکتوبر کو دو دن کی سرکاری چھٹی کا نوٹیفکیشن جاری کیا ہے چونکہ 19 اکتوبر اتوار کا دن پہلے سے ہی ہفتہ وار چھٹی ہے اس لیے ہندو ملازمین کو 19 سے 21 اکتوبر تک تین دن کی مسلسل چھٹی مل جائے گی، وہ اس موقع پر اپنے خاندان اور پیاروں کے ساتھ دیوالی کی خوشیاں منا سکیں گے۔ سروسز، جنرل ایڈمنسٹریشن اینڈ کوآرڈینیشن ڈیپارٹمنٹ کے نوٹیفکیشن کے مطابق یہ چھٹیاں صوبے بھر کی تمام سرکاری اور نیم سرکاری اداروں، سکولوں، کالجوں، یونیورسٹیوں اور مقامی کونسلوں میں کام کرنے والے تمام ہندو ملازمین پر لاگو ہوں گی۔ فی الحال سندھ ہی واحد صوبہ ہے جس نے دیوالی پر سرکاری چھٹی کا اعلان کیا ہے لیکن جلد ہی وفاقی حکومت اور دیگر صوبوں سے بھی ایسے اعلانات متوقع ہیں، اس سے پورے پاکستان میں ہندو برادری دیوالی کا تہوار قومی سطح پر باوقار طریقے سے منا سکے گی۔
مزیدپڑھیں:پی ٹی آئی کی محبت میں سرکاری نوکری چھوڑنے والے سلیمان شاہ راشدی عمران خان کے بارے میں اب کیا کہتے ہیں؟
