کراچی(نیوز ڈیسک) سندھ کے سینئر وزیر شرجیل انعام میمن نے اعلان کیا ہے کہ کراچی کے لیے ڈبل ڈیکربسیں بندرگاہ پر پہنچ گئی ہیں۔
تفصیلات کے مطابق صوبائی وزیر شرجیل میمن نے سوشل میڈیا پلیٹ فارم ایکس (سابق ٹوئٹر) پر کراچی والوں کو خوشخبری سناتے ہوئے ڈبل ڈیکر بسوں کی تصاویر شیئر کردیں۔
صوبائی وزیر کا کہنا تھا کہ ڈبل ڈیکر بسیں بندرگاہ پر پہنچ گئی ہیں اور جلد سڑکوں پر آئیں گی۔
Double-deckers Buses for #Karachi reached at Port. Inshallah Soon these buses will be on roads for the people of Karachi by the transport department government of Sindh. pic.twitter.com/3Mr4eKF6HR
— Sharjeel Inam Memon (@sharjeelinam) December 15, 2025
سینئر وزیر کا کہنا تھا کہ صوبائی حکومت کراچی میں عوامی ٹرانسپورٹ کے مسائل حل کرنے کے لیے سنجیدہ اقدامات کر رہی ہے اور جدید سفری سہولیات فراہم کرنا حکومت کی اولین ترجیحات میں شامل ہے۔
دوسری جانب اس سے قبل پنجاب کی وزیرِ اعلیٰ مریم نواز شریف نے ٹورازم ڈویلپمنٹ کارپوریشن پنجاب کی ڈبل ڈیکر بس سروس کے کرایوں میں اضافے کو مسترد کر دیا تھا۔
کرایہ 200 روپے سے بڑھا کر 500 روپے کیا گیا تھا جبکہ کارپوریٹ سیکٹر، تعلیمی اداروں اور کمرشل سرگرمیوں کے لیے 5 ہزار سے 20 ہزار روپے تک اضافہ تجویز کیا گیا تھا۔
وزیرِ اعلیٰ کی ہدایت پر کرایوں میں اضافے کا نوٹیفکیشن واپس لے لیا گیا اور پرانے کرائے بحال کر دیے گئے۔
مریم نواز شریف نے کرایوں میں اضافے پر برہمی کا اظہار کرتے ہوئے کہا تھا کہ اس سے عوام پر غیر ضروری مالی بوجھ پڑے گا۔
مزیدپڑھیں:نئے سال کی آمد ،تنخواہ دار طبقے کیلئےخوشخبری
