مشرقِ وسطیٰ میں بڑھتی کشیدگی کے تناظر میں وزیرِاعظم شہباز شریف(shahbaz sharif) کے حالیہ غیر ملکی دورے جہاں سفارتی لحاظ سے اہم قرار دیے جا رہے ہیں، وہیں سوشل میڈیا پر ایک غیر متوقع پہلو بھی زیرِ بحث آ گیا ہے، اور وہ ہے ان کا اندازِ لباس۔
15 سے 18 اپریل کے دوران وزیرِاعظم شہباز شریف نے سعودی عرب، قطر اور ترکیہ کا چار روزہ دورہ کیا، جس میں انہوں نے اہم علاقائی قیادت سے ملاقاتیں کیں۔ ان ملاقاتوں میں سعودی ولی عہد شہزادہ محمد بن سلمان، قطر کے امیر شیخ تمیم بن حمد الثانی اور ترکیہ کے صدر رجب طیب اردوان شامل تھے۔ یہ دورہ ایسے وقت میں ہوا جب پاکستان خطے میں کشیدگی کم کرنے اور امریکہ و ایران کے درمیان ممکنہ مذاکرات کے لیے سفارتی کردار ادا کر رہا ہے۔
Interesting to me that when you see men on the global stage, beautiful Western-style tailoring is often worn by men from non-Western countries. Pictured here is Shehbaz Sharif (Pakistan), Akinwumi Adesina (Nigeria), and Naruhito (Japan). https://t.co/rdwsIrXazX pic.twitter.com/QzwoawMPh8
— derek guy (@dieworkwear) April 19, 2026
تاہم ان اہم ملاقاتوں کے ساتھ ساتھ سوشل میڈیا صارفین کی توجہ وزیرِاعظم کی شخصیت کے ایک اور پہلو یعنی ان کے نفیس اور سلیقے سے تیار کردہ ملبوسات پر بھی مرکوز رہی۔ جدہ، دوحہ اور انطالیہ ڈپلومیسی فورم کی تصاویر جیسے ہی سامنے آئیں، صارفین نے نہ صرف ان کے لباس کو نوٹس کیا بلکہ اس پر بھرپور تبصرے بھی کیے۔
Whoever is behind these suits, deserves a pay raise. https://t.co/Aw1NTHfCYq
— Huzaifa (@LordHuzaifaa) April 17, 2026
وزیرِاعظم کا مغربی طرز کا لباس، خاص طور پر بہترین فٹنگ والے سوٹس، سوشل میڈیا پر موضوعِ گفتگو بن گئے۔ کئی صارفین نے ان کے اسٹائل کو پروفیشنل اور باوقار قرار دیا، جبکہ کچھ نے مزاحیہ انداز میں ان کے درزی تک رسائی مانگ لی۔
مزیدپڑھیں:ایران امریکا مذاکرات، ریڈ زون میں شہریوں کا داخلہ اور دفاتر بند رکھنے کا نوٹی فکیشن جاری
یہ بحث اس وقت مزید دلچسپ ہو گئی جب نیو یارک ٹائمز سے وابستہ لکھاری ڈیرک گائے نے عالمی رہنماؤں کے لباس پر تبصرہ کرتے ہوئے شہباز شریف کی تصاویر بھی شیئر کیں۔ انہوں نے نشاندہی کی کہ اکثر غیر مغربی ممالک کے رہنما مغربی طرز کے ملبوسات میں زیادہ نمایاں نظر آتے ہیں، اور اس تناظر میں پاکستانی وزیرِاعظم کا انداز بھی قابلِ توجہ ہے۔
Flexing a tan double breasted suit on a crucial diplomatic mission is PEAK fashion.
Plus the tailoring 🔥 https://t.co/pjnRIdZ4Ch
— Mehrub Awan (@mehrubawan) April 18, 2026
سوشل میڈیا پر مختلف صارفین نے اپنے اپنے انداز میں ردِعمل دیا۔ کسی نے کہا کہ ایسے سوٹس تیار کرنے والے درزی کو انعام ملنا چاہیے، تو کسی نے وزیرِاعظم کے اسٹائل کو فیشن کی اعلیٰ مثال قرار دیا۔ ایک صارف نے یہاں تک لکھا کہ سفارتی محاذ کے ساتھ ساتھ وہ فیشن کے میدان میں بھی سبقت لے جا رہے ہیں۔
somebody link me with his tailor please 🙏 https://t.co/oqczPKFPEt
— Ali (@khawajey) April 18, 2026
یہ صورتحال اس بات کی عکاسی کرتی ہے کہ آج کے دور میں سیاسی شخصیات نہ صرف اپنے بیانات اور پالیسیوں بلکہ اپنی شخصیت، انداز اور پیشکش کے ذریعے بھی عوامی توجہ حاصل کرتی ہیں۔ وزیرِاعظم شہباز شریف کا یہ دورہ جہاں سفارتی لحاظ سے اہمیت رکھتا ہے، وہیں ان کا اندازِ لباس بھی ایک الگ شناخت کے طور پر ابھر کر سامنے آیا ہے۔
Now he is crushing the global fashion scene too ! Wonder Boy is just missing a cape ATM https://t.co/coddutvSFp
— Samar Haroon Bilour (@SamarHBilour) April 19, 2026
