عید الاضحیٰ 2026 چھٹیاں کے حوالے سے شہریوں کیلئے بڑی خبر سامنے آگئی ہے، جس کے مطابق اس سال طویل تعطیلات کا امکان ظاہر کیا جا رہا ہے، تاہم حتمی اعلان رویت ہلال کمیٹی کے فیصلے کے بعد کیا جائے گا۔
رپورٹس کے مطابق عید الاضحیٰ کی تاریخ کا انحصار ذوالحج کے چاند کی رویت پر ہوگا۔ چیئرمین مرکزی رویت ہلال کمیٹی مولانا عبدالخبیر آزاد کے مطابق چاند دیکھنے کیلئے اجلاس 17 مئی کو منعقد کیا جائے گا، جس کے بعد عید کی حتمی تاریخ اور سرکاری تعطیلات کا اعلان کیا جائے گا۔
ابتدائی اندازوں کے مطابق اگر 17 مئی کو چاند نظر آ جاتا ہے تو عید کی تعطیلات 27 سے 29 مئی (بدھ تا جمعہ) تک ہو سکتی ہیں۔ اس کے ساتھ ہفتہ اور اتوار کی عام تعطیلات شامل ہونے سے مجموعی طور پر عید الاضحیٰ 2026 چھٹیاں 5 دن تک پہنچنے کا امکان ہے۔
دوسری جانب اگر ذوالحج کا مہینہ 30 دن مکمل کرتا ہے تو عید 28 اور 29 مئی (جمعرات اور جمعہ) کو متوقع ہے، جس کے نتیجے میں ہفتہ وار تعطیلات شامل ہو کر 4 دن کی چھٹیاں بن سکتی ہیں۔
حکام کے مطابق حتمی فیصلہ چاند نظر آنے کے بعد ہی کیا جائے گا، جس کے بعد سرکاری طور پر تعطیلات کا نوٹیفکیشن جاری ہوگا۔
واضح رہے کہ عید الاضحیٰ مسلمانوں کا ایک اہم مذہبی تہوار ہے جو دنیا بھر میں قربانی اور عبادت کے جذبے کے ساتھ منایا جاتا ہے اور حج کے فریضے سے بھی جڑا ہوا ہے۔
