اسلام آباد میں وزیراعظم شہباز شریف کی زیر صدارت ایک اہم اجلاس منعقد ہوا جس میں ایران اور خلیجی تعاون کونسل (جی سی سی) ممالک میں تعینات پاکستانی سفیروں نے شرکت کی۔ اس اجلاس میں ملک کی خارجہ پالیسی اور معاشی سفارتکاری پر تفصیلی غور کیا گیا۔
وزیراعظم نے اجلاس کے دوران واضح طور پر کہا کہ پاکستان کو اس وقت بیرون ملک زیادہ فعال اور نتیجہ خیز سفارتی کردار کی ضرورت ہے، اسی لیے وزیراعظم کی بیرون ممالک میں تعینات پاکستانی سفیروں کو اہم ہدایات دی گئیں تاکہ تجارت، سرمایہ کاری اور اقتصادی تعاون کو مزید فروغ دیا جا سکے۔
اجلاس میں سفیروں نے اپنے اپنے ممالک میں موجود مواقع، درپیش چیلنجز اور دوطرفہ تعلقات کی صورتحال سے وزیراعظم کو آگاہ کیا۔ خاص طور پر خلیجی ممالک اور ایران کے ساتھ اقتصادی تعلقات کو مضبوط بنانے پر تفصیلی بات چیت ہوئی۔
وزیراعظم نے ہدایت کی کہ پاکستانی سفیر اپنی کارکردگی کو مزید بہتر بنائیں اور غیر ملکی سرمایہ کاروں کو پاکستان کی طرف راغب کرنے کے لیے عملی اقدامات کریں۔ انہوں نے کہا کہ ترسیلات زر میں اضافہ اور برآمدات کا فروغ حکومت کی اولین ترجیح ہے۔
انہوں نے مزید کہا کہ معاشی سفارتکاری کو صرف بیانات تک محدود نہیں رہنا چاہیے بلکہ اس کے عملی نتائج بھی سامنے آنے چاہئیں تاکہ ملک کی معیشت کو براہ راست فائدہ پہنچے۔
اجلاس میں خطے کی مجموعی صورتحال، عالمی معاشی حالات اور پاکستان کے سفارتی مفادات پر بھی تبادلہ خیال کیا گیا۔ شرکاء نے اس عزم کا اظہار کیا کہ پاکستان کے معاشی اور سفارتی تعلقات کو مزید مستحکم بنایا جائے گا۔
