مفت سولر پینل حاصل کریں، اہلیت اور درخواست کا طریقہ سامنے آگیا

کراچی(نیوز ڈیسک)حکومت سندھ نے ایک اہم قدم اٹھاتے ہوئے 100 یونٹ سے کم بجلی استعمال کرنے والے صارفین کو مفت سولر فراہم کرنے کا اعلان کیا ہے۔

اس اقدام کا مقصد کم آمدنی والے شہریوں کو مہنگی بجلی سے بچانا ہے۔

130,000 خاندانوں کو شمسی نظام، پسماندہ افراد کو ریلیف ملے گا، اور توانائی کے متبادل ذرائع کو فروغ ملے گا۔

مفت شمسی توانائی کے لیے اہلیت کا معیار
صرف وہی صارفین اہل ہوں گے جنہوں نے پچھلے چھ ماہ میں ماہانہ 100 یونٹ سے کم بجلی استعمال کی ہے۔
درخواست دہندہ نے پہلے کسی اور سرکاری اقدام کے ذریعے سولر سسٹم حاصل نہیں کیا ہو۔

درخواست دینے میں دلچسپی رکھنے والے افراد درخواست فارم کو مکمل کریں اور اپنے بجلی کے بل اور قومی شناختی کارڈ کے ساتھ جمع کرائیں۔ فارم یونین کونسل (UC) کے چیئرمین یا گزیٹڈ افسر سے تصدیق شدہ ہونا ضروری ہے۔

آخری تاریخ
مکمل شدہ درخواست فارم سندھ انرجی ڈیپارٹمنٹ، پروجیکٹ آف ہوم سولر سسٹم (آن گرڈ) کو بھیجنا ضروری ہے۔ درخواستیں جمع کرانے کی آخری تاریخ 20 اگست 2025 ہے۔

مزید پڑھیں۔بورڈ امتحان کی بجائے بچوں کا اسیسمنٹ ٹیسٹ، محکمہ اسکولز ایجوکیشن پنجاب کا اہم فیصلہ