ممبئی (شوبز ڈیسک) سوشل میڈیا پلیٹ فارم ایکس پر ممبئی میں درگا پوجا دسہرہ کی تقریبات کے دوران کاجول کا ایک ویڈیو تیزی سے وائرل ہو رہا ہے۔ ویڈیو میں بالی وڈ اداکارہ کاجول کو سیڑھیوں پر بھیڑ کے درمیان گزرتے ہوئے دکھایا گیا ہے، جب ایک شخص ان کا بازو پکڑ لیتا ہے۔ ویڈیو پر تحریر چسپاں کی گئی ہے: “کاجول کے ردِعمل کا انتظار کریں۔”
ویڈیو نے عوامی سطح پر بحث چھیڑ دی ہے، جس میں خواتین کے ساتھ سماجی رویوں اور عوامی مقامات پر ان کی حدود کی پامالی کے موضوع کو اجاگر کیا گیا ہے۔ ناقدین کا کہنا ہے کہ اگر ایک نامور اداکارہ کے ساتھ ایسی حرکت ممکن ہے تو عام خواتین کس قدر غیر محفوظ ہیں۔
تاہم، اس معاملے پر عوامی رائے منقسم ہے۔ کچھ صارفین کا کہنا ہے کہ وہ شخص دراصل کاجول کا باڈی گارڈ تھا جو ہجوم میں انہیں سہارا دینے کی کوشش کر رہا تھا، جبکہ دیگر نے اسے دانستہ بدتمیزی اور بدنیتی قرار دیا۔
فی الحال کاجول یا تقریب کے منتظمین کی جانب سے کوئی سرکاری بیان جاری نہیں کیا گیا ہے۔ لیکن سوشل میڈیا پر یہ واقعہ تہواروں کے دوران عوامی آداب اور خواتین کی حفاظت کے حوالے سے وسیع بحث کا باعث بنا ہوا ہے۔
लोगों की नियत देखिए ।।
जब इतनी बड़ी स्टार के साथ लोग इसी हरकत कर सकते है तो
सामान्य लड़की के साथ क्या कुछ नहीं होता है।।#Kajol #KajolDevgan pic.twitter.com/B7w15ttCtu— भारती🙏🙏🙏 (@IND_is_greatest) October 3, 2025
مزیدپڑھیں:افغان وزیر خارجہ پر عائد سفری پابندی عاضی طور پر ختم، بھارت کا دورہ کرسکیں گے
