نئی دہلی (اوصاف نیوز)معروف بھارتی گلوکار، نغمہ نگار اور اداکار لکی علی نے انکشاف کیا ہے کہ انہوں نے 3 مختلف ممالک میں شادیاں کیں اور ان میں سے کوئی بھی کامیاب نہیں ہوئی۔
67 سالہ لکی علی نے ایک حالیہ انٹرویو میں اپنی زندگی کے مختلف پہلوؤں پر روشنی ڈالی اور تین مختلف ممالک میں 3 بار شادی کرنے کا اعتراف کیا۔
گفتگو کے دوران انہوں نے فلم انڈسٹری سے علیحدگی، خاندان سے جڑے جذباتی رشتوں پر بھی بات کی اور کہا کہ ان کے مطابق محبت اور رشتہ شادی سے زیادہ دیر تک چلتا ہے۔
لکی علی کا مزید کہنا تھا کہ انہوں نے بدسلوکی اور بوریت کی وجہ سے 2015 میں بالی ووڈ چھوڑ دیا۔ آج بھی میں سچ کو اپنی موسیقی کی بنیادی بنیاد سمجھتا ہوں۔ لوگ خالص فن کو ضرورت کے طور پر سنتے ہیں، ورنہ وہ اسے مسترد کرتے ہیں۔
انہوں نے کہا کہ میں نے تین مختلف ممالک امریکہ، ایران اور برطانیہ میں شادیاں کیں جو ختم ہوگئی لیکن محبت اور احترام کا رشتہ آج بھی قائم ہے۔
معروف گلوکار اور نغمہ نگار نے یہ بھی کہا کہ میں آج بھی اپنے بچوں سے جڑا ہوں، محبت کو بہترین تربیت سمجھتا ہوں، میرا ہر رشتہ آج بھی زندہ ہے۔
لکی علی نے کہا کہ میرے والد معروف کامیڈین محمود علی اور میرے دادا دادی کے گھر میں بھی مختلف ثقافتوں کا ذائقہ تھا، مینا کماری میری خالہ تھیں، جنہیں میں اپنی ماں کی طرح سمجھتا تھا اور ان سے ملنے اسکول سے بھاگا کرتا تھا۔
انہوں نے کہا کہ میں نے اپنی زندگی میں نصیرالدین شاہ، شبانہ اعظمی اور اوم پوری سے بہت کچھ سیکھا ہے، وہ شوبز میں مختلف محسوس کرتے ہیں۔
مزید پڑھیں:زمبابوے نے دورہ پاکستان کے لیے 15 رکنی اسکواڈ کا اعلان کر دیا
