اداکار اور گلوکار فرحان سعید نے سینئر اداکارہ صبا حمید کی اداکاری کی کھل کر تعریف کرتے ہوئے انہیں بالی ووڈ کے لیجنڈری ولن امریش پوری سے تشبیہ دے دی، جس کے بعد سوشل میڈیا پر یہ بیان خوب توجہ حاصل کر رہا ہے۔
حال ہی میں ایک ٹاک شو میں گفتگو کے دوران فرحان سعید صبا حمید موازنہ کرتے ہوئے کہا کہ صبا حمید منفی کرداروں کو جس مہارت اور حقیقت کے ساتھ نبھاتی ہیں، وہ بہت کم اداکاروں کے حصے میں آتا ہے۔ انہوں نے کہا کہ ایک مضبوط ولن ہیرو کے کردار کو مزید طاقتور بنا دیتا ہے۔
فرحان سعید نے اپنے مقبول ڈرامے “میرے ہمسفر” کا ذکر کرتے ہوئے بتایا کہ ڈرامے میں “تائی جان” کے کردار نے ناظرین پر گہرا اثر چھوڑا، جس کی وجہ سے ان کا کردار “حمزہ” بھی زیادہ پسند کیا گیا۔ ان کے مطابق صبا حمید نے ہر منظر کو حقیقت کے قریب بنا دیا تھا۔
اداکار نے انکشاف کیا کہ “میرے ہمسفر” کی کامیابی کے بعد انہوں نے ذاتی طور پر صبا حمید کا شکریہ ادا کیا اور ان کے ہاتھ چوم کر ان کی اداکاری کو خراج تحسین پیش کیا۔
فرحان سعید صبا حمید موازنہ کرتے ہوئے مزید کہا کہ جیسے امریش پوری نے بھارتی فلموں میں منفی کرداروں کو یادگار بنا دیا تھا، اسی طرح پاکستانی ڈراموں میں صبا حمید کا بھی منفرد مقام ہے۔
انہوں نے یہ بھی بتایا کہ وہ جلد آنے والے نئے ڈرامے “بس تیرا ساتھ ہو” میں ایک بار پھر صبا حمید کے ساتھ نظر آئیں گے، جہاں دونوں کے درمیان جذباتی اور سنجیدہ مناظر دیکھنے کو ملیں گے۔
