پاکستان بمقابلہ نیوزی لینڈلائیو سٹریمنگ، اسکواڈز، مقام اور میچ کےاوفات کی تمام تفصیلات جانیں

راولپنڈی – پاکستان آج 18 اپریل کو راولپنڈی کرکٹ اسٹیڈیم میں نیوزی لینڈ سے پانچ میچوں کی T20I سیریز کے پہلے میچ میں مدمقابل ہوگا۔

یہ مقام ہفتہ اور اتوار کو بھی میچوں کی میزبانی کرے گا، جبکہ لاہور کا قذافی اسٹیڈیم اگلے ہفتے جمعرات اور ہفتہ کو بقیہ دو میچوں کا اسٹیج ہوگا۔

یہ 12 ماہ کے عرصے میں دونوں فریقوں کے درمیان پانچ میچوں کی تیسری سیریز ہوگی۔ گزشتہ سال پاکستان اور نیوزی لینڈ نے پاکستان میں سیریز دو دو سے برابر کر دی تھی جبکہ نیوزی لینڈ نے اس سال کے شروع میں سیریز 4-1 سے اپنے نام کی تھی۔

مزید پڑھیں: نیوزی لینڈ کے اہم کھلاڑیوں نے دورہ پاکستان کے بجائے آئی پی ایل کو ترجیح دی، جنید خان

T20I کے لیے پاکستان بمقابلہ نیوزی لینڈ اسکواڈز

پاکستان نے 17 کھلاڑیوں پر مشتمل اسکواڈ میں ابرار احمد، محمد عرفان خان اور عثمان خان کو شامل کیا ہے، جس میں بابر اعظم کی وائٹ بال کے کپتان کے طور پر واپسی بھی نظر آرہی ہے۔ فاسٹ بولر نسیم شاہ کے ساتھ محمد عامر اور عماد وسیم بھی قومی رنگ میں واپس آگئے ہیں۔

پاکستان – بابر اعظم (کپتان)، ابرار احمد، اعظم خان، فخر زمان، افتخار احمد، عماد وسیم، محمد عباس آفریدی، محمد رضوان، محمد عامر، محمد عرفان خان، نسیم شاہ، صائم ایوب، شاداب خان، شاہین شاہ آفریدی، اسامہ میر، عثمان خان اور زمان خان

نیوزی لینڈ – مائیکل بریسویل (کپتان)، ٹام بلنڈل، مارک چیپ مین، جوش کلارکسن، جیکب ڈفی، ڈین فاکس کرافٹ، بین لِسٹر، کول میک کونچی، جمی نیشم، ول او رُرک، ٹم رابنسن، بین سیئرز، ٹم سیفرٹ، ایش سودھی اور زیک فولکس۔

PAK پاکستان بمقابلہ نیوزی لینڈ پہلے T20میچ کا وقت

پاکستان اور نیوزی لینڈ کے درمیان پہلا ٹی ٹوئنٹی میچ شام 7:30 بجے کھیلا جائے گا۔

مقام

سیریز کا پہلا میچ راولپنڈی کرکٹ سٹیڈیم میں کھیلا جائے گا۔

پاکستان بمقابلہ نیوزی لینڈ لائیو سٹریمنگ، لائیو سکور

کرکٹ کے شائقین لائیو سکور کے لیے پاکستان کرکٹ بورڈ کی آفیشل ویب سائٹ یا کرک انفو ویب سائٹ وزٹ کر سکتے ہیں۔

یہ میچ اے آر وائی گروپ کے ایک چینل اے اسپورٹس، جیو سپر اور پی ٹی وی اسپورٹس پر براہ راست نشر کیا جائے گا۔ میچ ،تماشاایپ،ٹیمپڈاور اے آر وائی زیپ پر براہ راست نشر کیا جائے گا۔