انگلش پریمیئر لیگ کے دو کھلاڑی ریپ کے الزام میں گرفتار

لندن (سپورٹس ڈیسک )انگلش پریمیئر لیگ کے دو کھلاڑیوں کو ریپ کے الزام میں گرفتار کر لیا گیا۔

پولیس نے انکشاف کیا کہ گذشتہ جمعے (19 اپریل) کو دو 19 سالہ مرد کھلاڑیوں (جن کا نام ظاہر نہیں کیا گیا) کو اختتام ہفتہ پر اس وقت گرفتار کیا گیا جب ان کے خلاف ریپ کی رپورٹ سامنے آئی۔

پولیس نے بتایا کہ پہلے شخص کو ہفتے کو ریپ کے شبہ میں گرفتار کیا گیا جبکہ دوسرے شخص کو اتوار کو اسی الزام کے شبے میں گرفتار کیا گیا۔

رپورٹس میں دعویٰ کیا گیا کہ پولیس افسران ایک کھلاڑی سے ان کے کلب کے فٹ بال سٹیڈیم میں بات کرنے پہنچے تھے جب کہ کہا جاتا ہے کہ بعد میں اسی رات انہیں باقاعدہ گرفتار کر لیا گیا۔
مزیدپڑھیں :شادی کے بعد 3 ہزار ماہانہ میں نوکری کرتی تھی: شویتا بچن
دونوں کھلاڑی جن کے بارے میں خیال کیا جاتا ہے کہ ان کا تعلق ایک ہی کلب سے ہے، اب پولیس ضمانت پر رہا ہو چکے ہیں۔

پولیس کے ایک ترجمان نےبرطانوی خبررساں ادارے کو بتایا کہ ’افسران نے ریپ کی رپورٹ کے بعد دو افراد کو گرفتار کیا تھا۔

رپورٹ کے مطابق: ’ایک 19 سالہ شخص کو حملہ کرنے، اس میں مدد کرنے اور ریپ کے لیے اکسانے کے شبے میں گرفتار کیا گیا جب کہ دوسرے 19 سالہ شخص کو ریپ کے شبے میں گرفتار کیا گیا۔ اس کے بعد سے دونوں افراد کو پولیس ضمانت پر رہا کر دیا گیا۔‘

یہ معلوم نہیں ہوا کہ آیا کلب نے دونوں گرفتار کھلاڑیوں کو مبینہ جنسی حملے پر معطل کیا ہے، کہا جاتا ہے کہ یہ واقعہ جمعے کو پیش آیا۔

فٹ بال کلب (جس کا نام بھی یہاں ظاہر نہیں کیا جا سکتا) کے ترجمان نے پولیس کی تفتیش پر تبصرہ کرنے سے انکار کردیا۔

ایک ترجمان نے دی سن کو بتایا: ’چونکہ معاملہ اب پولیس کے پاس ہے، اس لیے کلب اس مرحلے پر مزید کوئی تبصرہ نہیں کرے گا۔‘

قانونی وجوہات کی بنا پر کھلاڑیوں اور ان کے کلب کی شناخت نہیں ہو سکتی۔