کراچی (ویب ڈیسک) پاکستان سپر لیگ کے گیارہویں سیزن میں جہاں بلے بازوں اور گیند بازوں کے درمیان زبردست کشمکش دیکھنے کو مل رہی ہے، وہیں ایک میچ کے دوران ایک غیر معمولی صورتحال بھی سامنے آئی۔نویں اوور کے دوران نیوزی لینڈ کے بلے باز ڈیرل مچل نے پے در پے دو مرتبہ عثمان طارق کی گیند کھیلنے سے گریز کیا اور کریز سے پیچھے ہٹ گئے۔
Daryl Mitchell refuses to face Usman Tariq 😂 #QTGVRWP pic.twitter.com/2CO6z4NvR9
— Nibraz Ramzan (@nibraz88cricket) April 10, 2026
میچ کے بعد پچ سائیڈ شو میں عثمان طارق نے اس واقعے کی تفصیل بیان کرتے ہوئے کہا کہ پہلی بار جب ڈیرل پیچھے ہٹے تو انہوں نے سمجھا شاید اسکرین کی طرف سے کوئی رکاوٹ آئی ہوگی، مگر دوسری بار ایسا ہونے پر انہوں نے براہ راست وجہ دریافت کی۔عثمان طارق کے مطابق ڈیرل مچل نے انہیں جواب دیا کہ وہ جان بوجھ کر وقفہ لے رہے ہیں، جس پر عثمان طارق نے پُراعتماد انداز میں کہا کہ وہ آئندہ بھی ایسا کرتے رہیں گے
اور یہ بلے باز پر منحصر ہے کہ وہ اس کا کیا جواب دیتا ہے۔ بالآخر میدانی امپائر نے مداخلت کرتے ہوئے واضح کیا کہ عثمان طارق کا بولنگ ایکشن کرکٹ کے قوانین کے بالکل مطابق ہے اور ڈیرل مچل اس طرح کھیل میں خلل نہیں ڈال سکتے۔خیال رہے کہ عثمان طارق کا منفرد بولنگ ایکشن عالمی سطح پر زیرِ بحث رہا ہے۔ بھارتی میڈیا کے بعض حلقے ان پر پابندی عائد کرنے کا مطالبہ کرتے آئے ہیں، تاہم کرکٹ کے ماہرین اور آئی سی سی کے قوانین کی روشنی میں ان کا ایکشن مکمل طور پر جائز قرار دیا جاچکا ہے۔
مزیدپڑھیں:ایندھن سستا ہونے کے بعد ٹرانسپورٹ کرایوں میں بھی نمایاں کمی
